Bremengo udaletxea

Bremengo udaletxea (alemanez Bremer Rathaus), Bremengo senatuko lehendakariaren eta Bremen hiriko alkatearen egoitza da. Errolanen estatuarekin batera Gizateriaren Ondare izendatu zuen UNESCOk 2004ean.

Bremengo udaletxea eta Errolanen estatua1
UNESCOren gizateriaren ondarea

Bremengo udaletxea

MotaKulturala
Irizpideak iii, iv, vi
Erreferentzia 1087
Kokalekua Alemania
Eskualdea2Europa eta Ipar Amerika
Izen ematea2004 (XXVIII. bilkura)
1 UNESCOk jarritako izen ofiziala (euskaratua)
2 UNESCOren sailkapena

Kokapena

Bremengo merkatuaren plazan kokaturik dago Bremengo katedralarekin eta Bremengo parlamentuarekin batera. Plazan bertan bi estatua famatu daude, lehenengoa Errolanen estatua (hau ere Gizateriaren Ondare dena) eta bigarrena Grimm anaien "Bremengo musikarien" estatua.

Udaletxea

Bremengo udaletxea 1405 eta 1409 artean eraiki zen estilo gotikoan. Hala ere Lüder von Bentheim arkitektuak aurrealdea aldatu zion 1595 eta 1612 artean, gaur egun duen Herbehereetako pizkundeko itxura emanez. XX mendearen hasieran gehigarri bat egin zitzaion atzealdean. Bigarren Mundu Gerrako bonbaketek hiriaren %60a suntsitu bazuten ere udaletxea nahiko ondo salbatu zen.

Udaletxearen beheko pisuan Ratskeller izeneko upategia dago, 1405 izanik Alemaniako upategirik zaharrenetakoa dena. Badu oraindik ere 1653ko upela bat. Gaur egun gourmet jatetxe bihurtu da.

Iruditegia
  • Udaletxea merkatu plazan
    Udaletxea merkatu plazan
  • Udaletxea eta katedrala
    Udaletxea eta katedrala
  • Gueldenkammer, urrezko gela
    Gueldenkammer, urrezko gela
  • Ratskeller upategia, 1900 inguruan
    Ratskeller upategia, 1900 inguruan

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.