Brazil (filma)

Brazil (filma)
Jatorria
Argitaratze-data	1985
Izenburua	Brazil
Jatorrizko hizkuntza	ingelesa
Jatorrizko herrialdea	Erresuma Batua
Banatze bidea	eskatu ahalako bideo
Ezaugarriak
Genero artistikoa	Neo-noirra, zientzia-fikziozko filma, fantasiazko filma, science fiction comedy (en) , film komikoa, Gabonetako filma, film distopikoa, retro-futurism (en) eta arthouse science fiction film (en)
Iraupena	142 minutu
Kolorea	koloretakoa
Zuzendaritza eta gidoia
Zuzendaria(k)	Terry Gilliam
Gidoigilea(k)	Terry Gilliam; Tom Stoppard; Charles McKeown
Antzezlea(k)
	Jonathan Pryce ; Robert De Niro (Harry Tuttle (en) ); Katherine Helmond ; Ian Holm ; Bob Hoskins ; Michael Palin ; Ian Richardson ; Peter Vaughan ; Kim Greist ; Jim Broadbent ; Barbara Hicks ; Charles McKeown ; Derrick O'Connor (en) ; Terry Gilliam ; John Flanagan (en) ; Gorden Kaye ; David Gant ; Roger Ashton-Griffiths ; Sue Hodge (en) ; Simon Jones (en)
Ekoizpena
Ekoizlea	Arnon Milchan
Konpainia ekoizlea	Regency Enterprises (en)
Edizioa	Julian Doyle (en)
Ekoizpen-diseinatzailea	Norman Garwood (en)
Bestelako lanak
Musikagilea	Michael Kamen
Argazki-zuzendaria	Roger Pratt
Jantzi-diseinatzailea	James Acheson (en)
Fikzioa
	ikusi Harry Tuttle (en) ;
Historia
Nominazioak	Jatorrizko gidoi onenaren Oscar Saria ; 58. Oscar Sariak ; Terry Gilliam, Tom Stoppard, Charles McKeown; Zuzendaritza artistiko onenaren Oscar Saria ; 58. Oscar Sariak ; Norman Garwood (en) , Maggie Gray (en)
kronologia

Brazil (euskaraz Brasil) 1985eko Terry Gilliam ingeles zinema zuzendari eta gidoigileak zuzendu eta idatzitako zientzia-fikziozko film bat da. Jonathan Pryce, Robert De Niro, Katherine Helmond, Ian Holm, Bob Hoskins, Michael Palin, Ian Richardson, Peter Vaughan eta Kim Greist aktoreek antzeztu zuten.

Filma nagusiki George Orwell ingeles idazlearen 1984 eleberrian oinarritua dago eta distopian bizi den gizarte batean girotua. Aldiz, filmaren izenburua 1939an Ary Barroso brasildar musikagileak konposatuta eta Geoff Muldaur abeslariak abestutako Aquarela do Brasil ("Brasilgo Akuarela") abesti ospetsuaren izenburutik hartua da, ingelesez herrialde horren izena "Brazil" idazten baita.

Terry Gilliamen hitzetan film honek berak zuzendutako Time Bandits ("Denbora Bidelapurrak", 1981) eta The Adventures of Baron Munchausen ("Munchausen Baroiaren Abenturak", 1988) filmeekin batera "Irudimenaren Trilogia" delakoa osatzen omen dute. Hiru filmak bizitzaren hiru aro ezberdinetako hiru ikuspuntuetatik irudimenaren bidez errealitatetik ihes egiteko isladak omen dira: "Time Bandits, haur baten ikuspuntutik, Brazil, gizon heldu baten ikuspuntutik, eta Munchausen, gizon adindu baten ikuspuntutik".

Gaurko egunez Brazil kultuzko film bat bilakatu da eta Gilliamen filmeen zaleen artean ziur aski gogokoena.

Argumentua

Makinak nagusi diren etorkizuneko gizarte bitxi, ilun eta etsigarri batean, euli bat ordenagailu baten barnean erori eta Archibald "Harry" Tuttle (Robert de Niro) gerrillariaren abizena Archibald Buttle (Brian Miller) aita eta familiaburu lasaiaren abizenarengatik aldatuko du, nahaste horren ondorioz atxilotua eta Estatuaren aparatu errepresiogileak eraila izango da. Gobernuaren soldatapeko Sam Lowry (Jonathan Pryce) burokrata lasaiak hildakoaren familiari kalte ordain txekea emateko ardura jaso du, gertakari honek Jill Layton (Kim Greist) ezagutzeko aukera emango dio, bere ametsetako emakumea. Eta, bide batez, benetazko Harry Tuttle ezagutu eta haren laguntzaile bilakatuko da.

Aktoreak

Jonathan Pryce: Sam Lowry.
Kim Greist: Jill Layton.
Michael Palin: Jack Lint.
Robert De Niro: Archibald “Harry” Tuttle.
Katherine Helmond: Ida Lowry andrea.
Bob Hoskins: Spoor.
Derrick O'Connor: Dowser.
Ian Holm: Kurtzman jauna.
Jim Broadbent: Jaffe doktorea.
Ian Richardson: Warrenn jauna.
Peter Vaughan: Helpmann jauna.
Brian Miller: Archibald Buttle jauna.
Barbara Hicks: Alma Terrain andrea.
Charles McKeown: Harvey Lime.
Kathryn Pogson: Shirley.
Bryan Pringle: Spiro, zerbitzaria.
Sheila Reid: Buttle andrea.
Derek Deadman: Bill.
Nigel Planer: Charlie.
Gorden Kaye: Lobby Porter.
Jack Purvis: Chapman doktorea.
Elizabeth Spender: Alison/'Barbara' Lint.
Myrtle Devenish: Bulegoko tipografoa.
Holly Gilliam: Holly Lint.
Roger Ashton-Griffiths: Apaiza.
Terry Gilliam: Shang-ri La Towers eraikinean zigarroa erretzen ari den gizona (kameoa).

Kanpo estekak

Brazil filmaren iragarkia ikusgai. Youtube.com (Ingelesez)
Brazil filmaren IMDBko fitxa irakurgai (Ingelesez)

Datuak: Q25057
Multimedia: Brazil / Q25057

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.