Bragako katedrala
Bragako katedrala (portugesez: Sé de Braga) Portugalgo Braga hirian dagoen katedrala da. Portugal iparraldeko monumentu garrantzitsuenetakoa da, Bragako apezpikutzaren garrantzi historikoa dela eta.
| Bragako katedrala | |
|---|---|
| Sé de Braga | |
 | |
| Kokapena | |
| Estatu burujabe |  Portugal |
| Portugalgo barrutia | Braga |
| Portugalgo hiria | Braga |
| Freguesia | Braga (Maximinos, Sé e Cividade) |
| Koordenatuak | 41°33′00″N 8°25′38″W |
 | |
| Historia eta erabilera | |
| Irekiera | 1089 (egutegi gregorianoa) |
| Izenaren jatorria | virgin birth of Jesus (en)  |
| Erlijioa | katolizismoa |
| Elizbarrutia | Bragako artxidiozesia |
| Izena | Maria |
| Arkitektura | |
| Arkitektoa | João de Castilho (en) |
| Estiloa | arkitektura gotikoa |
| Ondarea | |
Historia
Bragako diozesia III mendean sortu zuten erromatarrek, eta suebo eta bisigodoek Gallaecia eremuko hiriburu bihurtu zuten. Lehenengo apezpiku ezaguna Bragako Martin Dumio izan zen, VI mendekoa.
Mairuak 716 eta 1040 artean egon ziren hirian baina Fernando I.a Leon eta Gaztelakoak kristauentzat berreskuratu eta 1070an berrezarri zen apezpikutza. Petri apezpikuak katedral handi bat eraikitzea erabaki zuen eta 1089an sagaratu zen eraikina. 1107an Aita Santuak artzapezpikua ezarri zuen Bragan eta honek Iberiar penintsulako ipar-mendebalde guztia gobernatzen zuen, Portugalgo zati handienaz gain Galizia bera ere bai.
Katedrala XIII mendearen erdialderarte handituz joan zen zatirik handienak XII mendean eraiki ziren erromaniko burgundiar estiloan, Clunyko abatetxearen antzera. Hurrengo mendeetan hainbat gehikuntza egin zitzaizkion eta hainbat estiloren nahasketa aurkitzen da gaur egun. Esate baterako mendebaldeko aurrealdearen itxura erabat aldaturik dago hasieran egin zen hartatik. 1486 eta 1501 artean atari nagusia estilo gotikoan berreraiki zen. Kapera nagusiaren absidea 1509an eraiki zen manueldar estiloan.
Arkitektura
Hiru habearte ditu eta ekialdeko absidean bost kapera daude, denak berriztuak, ez da beraz hasierako kapera erromanikorik mantentzen. Erdi Aroko kapera gehiago ere badaude, gehienak gotikoak XIV mendean egindakoak. Koroa XVIII mendekoa da, barroko aroan eraikia.
Klaustroa XIX mendekoa da baina interes aktitektoniko handirik ez dauka. Bertan ordea badago katedralaren altxorrak gordetzen dituen museoa.
Iruditegia
Aurrealdea.
Hegoaldeko horma.
Kapera nagusiaren kanpoaldea.
Klaustroa.
San Geraldo kapera.
Kanpo estekak
- (Portugesez) www.bragaportugal.org
