Boshin Gerra

Boshin Gerra (japonieraz: 戊辰戦争, Boshin Sensō, "Yang Lurreko Dragoiaren Gerra") , batzuetan Japoniar Iraultza deitua, Japoniako gerra zibila izan zen, 1868 eta 1869 artean Tokugawa shogunerriaren eta Kiotoko Gorte Inperialaren aldekoek egina. Bakumatsu edo irekiera-politikaren aurkako zenbait noble eta samurai gaztek matxinatu eta Tokugawa Yoshinobuk shogun kargua utzi zuen, eta botere guztia Meiji enperadoreari eman zion. Aurreko shogunaren botere, betebehar eta arduretako asko, lehen Meiji aroko "Hiru noble handiak" bezala ezagutuak ziren gizonek hartu zituztela esan liteke. Hauek ziren: Okubo Toshimichi, Saigō Takamori eta Kido Takayoshi.

Boshin Gerra
Satsumako samuraien argazkia
Data	1868ko urtarrilaren 27a –1869ko ekainaren 27a
Lekua	Japonia
Emaitza	Inperialen garaipena
Gudulariak
Gorte Inperiala Satsuma agindupeko lurra Chōshū agindupeko lurra Shogunerria Aizu agindupeko lurra Takamatsu agindupeko lurra Iparraldeko aliantza
Buruzagiak
Meiji Komatsu Akihito printzea Saigō Takamori Kuroda Kiyotaka Ōmura Masujiro Yamagata Aritomo Kirino Toshiaki Tokugawa Yoshinobu Katsu Kaishū Enomoto Takeaki Matsudaira Katamori Shinoda Gisaburō† Matsudaira Sadaaki Tanaka Tosa† Kondō Isami† Hijikata Toshizō†

Toba-Fushimiko guduan garaitua izan ondoren (1868ko urtarrilaren 27tik 31ra arte), Yoshinobuk amore eman zuen eta Edo gaztelua (eta beraz, Edo hiria), armada inperialari eman zion; berehala, etxeko atxiloketan jarri zuten eta bere titulu, lur eta botere guztiak kendu zizkioten. Bere adoptaturiko oinordekoa, Tokugawa Iesato, garai horretan Tayasu Kamenosuke bezala ezagutua, gaztea zen. Beranduago, askatua izan zen, nazioko kontuei dagokionez anbiziorik edo interesik agertu ez zuenean.