Bosgarren Gurutzada

Bosgarren Gurutzada (1213 - 1221) Ekialde Hurbila asaldatu zuen bosgarren kanpaina izan zen.

Bosgarren Gurutzada
Gurutzadak
Frisiar gurutzatuek Damietako dorrea erasotzen
Data	1213 - 1221
Lekua	Egipto
Emaitza	Ayyubid leinuaren garaipena
Gudulariak
Gurutzatauak: Latindar Inperioa Jerusalemgo erresuma Zipreko erresuma Rüm sultanerria Germaniako Erromatar Inperio Santua Austria Tenpluko ordena Ordena Teutonikoa Maltako ordena Hungariako erresuma Kroaziako erresuma Dalmazia Halitx Holandako konderria Kolonia Flandria Frisia Frantziako erresuma Rodezeko konderria Aita Santuen Lurraldea Egiptiarrak: Ayyubid leinua
Buruzagiak
Joan Briennekoa Bohemundo IV.a Antiokiakoa Hugo I.a Ziprekoa Kaikaus I.a Frederiko II.a Leopoldo VI.a Austriakoa Petri Montaigu Hermann von Salza Garin Montaigu Andres II.a Hungariakoa Gilen I.a Holandakoa Filipe II.a Frantziakoa Henrike I.a Rodezkoa † Pelagio Galvani Al-Kamil
Indarra
32.000 Ezezaguna

Laugarren Gurutzadan bezala, kanpainiaren helburua Jerusalem eta Lur Santua osoa berreskuratzea zen, lehendabizikoz Ayyubid leinuaren kontrolpean zegoen Egipto konkistatuz.

Inozentzio III.ak eta bere oinordekoa zen Honorio III.ak Andres II.a Hungariakoak eta Leopoldo VI.a Austriakoak zuzenduriko armadak antolatu zituzten musulmanen eskuetan zegoen Jerusalem berreskuratzeko. 1218an, Oliver Koloniakoak zuzenduriko alemaniar armada, barnean holandar, flandriar eta frisiar soldaduak zituena, gurutzadarekin bat egin zuen[1]. Damieta kontrolatzeko Anatolian zegoen Rüm sultanerri seleiuzidar aliatu zuten, azkenak Sirian bigarren frontea sortuz.

Damieta lortu eta gero, 1221eko uztailean gurutzatuek hegoalderantz jo zuten Kairo erasotzeko. Al-Kamil sultanak berak zuzenduriko gaueko eraso batek sarraskia sortu zuen kristauen lerroetan eta hauei zortzi urteko bake ituna sinarazi zien[2].