Borussia Mönchengladbach

Borussia Mönchengladbach
Ezizena(k)	Die Fohlen (moxalak)
Sorrera	1900
Futbol zelaia	Borussia-Park; edukiera: 54.057 lagun; inaugurazioa: 2004
Presidentea	Rolf Königs
Entrenatzailea	Gerardo Seoane
Liga	Bundesliga
2022-23	10.a
Webgunea	Webgune ofiziala

	Etxekoa

	Kanpokoa

Borussia Mönchengladbach (izen osoa Borussia VfL 1900 Mönchengladbach e.V.) Alemaniako futbol talde handienetako bat da, Bundesliga bost aldiz irabazteaz gain UEFA Kopa bi ere badituena, besteak beste. 70. hamarkada izan zen Borussia Mönchengladbachen urrezko aroa. Borussia Prusiaren izen latinizatua da eta Mönchengladbach Alemaniako Ipar Renania-Westfalia estatuan dagoen hiria da.

Kontinente arteko kopa 1977an, River Plateren aurka.

Historia

1900ko abuztuaren 1ean sortu bazen ere ez zuen emaitza aipagarririk izan 60. hamarkadararte. Lehenengo arrakasta 1960an izan zuen Karlsruher SCri 3-2 irabaziz Kopa eskuratu zuenean.1966 arte ez zuen lortu Bundesliga sartzerik. Berehala iritsi ziren emaitza onak, hurrengo hamarkadan bost liga, kopa bat, bi UEFA Kopa, Europako Kopako final bat (Liverpool FCren aurka galdu zuena) eta talde ingelesak uko egiterakoan Kontinente arteko Futbol Koparen finala jokatzeko aukera ere izan zuen, hau ere ez zuelarik irabazi. Garai hartan Urrezko Baloia lortu zuen Allan Simonsen daniarra zen taldeko aurrelaria. Talde hartan aritu zen gerora Athleticen entrenatzailea izango zen Jupp Heynckes ere. Entrenatzailea Udo Lattek alemaniarra zen.

1980an UEFA Kopako finaleko porrotak eman zion amaiera urrezko garaiari. 1984an Bundesligan hirugarrena izan zen, baina VfB Stuttgart txapeldunarekin eta Hamburger SV ezpitxapeldunarekin puntuz berdinduta. Urte honetan bertan Kopan finala jokatu zuen baina ez zuen irabazi. 1995ean irabazi zuen azken titulua, kopa hain zuzen ere baina 1999an bigarren mailara jeitsi zen. Ordutik aurrera igo eta jeitsi ibili da.

2015ean 16.a izan zen liga nagusian baina 2016an laugarren postua eskuratu zuen. Hurrengo urteetan 9. postua eskuratu du.

Uniformea

Kolore zuria da nagusi Borussia Mönchengladbach taldearen ekipamenduan, baina beltza eta berdea ere agertzen dira.





2017-2018





2018-2019





2019-2020





2020-2021





2021-2022

Palmaresa

Alemanian: 9

Bundesliga (5): 1970, 1971, 1975, 1976, 1977
Alemaniako Kopa (3): 1960, 1973, 1995
Alemaniako Superkopa (1): 1977 (ez ofiziala)

Kontinente arteko Futbol Kopa

Txapelduna (0):
Finalista (1): 1977

Europako Kopa

Txapelduna (0):
Finalista (1): 1977

UEFA Kopa

Txapelduna (2): 1975, 1979
Finalista (2): 1973, 1980

Jokalari famatuak

Allan Simonsen (1972-1979)
Jupp Heynckes (1963-1967) eta (1970-1978)
Lothar Matthäus (1979-1984)

Entrenatzaile famatuak

Udo Lattek (1975-1979)
Bernd Krauss (1983-1990)

Kanpo estekak

(Alemanez) (Ingelesez) (Gaztelaniaz) Webgune ofiziala

Datuak: Q101959
Multimedia: Borussia Mönchengladbach / Q101959

2022-23ko Alemaniako Bundesliga
Augsburg \| Bayer Leverkusen \| Bayern Munich \| Bochum \| Borussia Dortmund \| Borussia Mönchengladbach \| Eintracht Frankfurt \| Friburgo \| Hertha Berlin \| Hoffenheim \| Köln \| Leipzig \| Mainz \| Schalke 04 \| Stuttgart \| Union Berlin \| Werder Bremen \| Wolfsburg

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.