Bolba

Bolba, mikologian, zenbait perretxikoren oinarrian ageri den eta errezel orokorraren hondarra den katilu-formako egitura da. Ezaugarri makroskopiko hau oso erabilia da perretxikoak identifikatzerakoan, oso erraz atzematen den elementua baita eta ikuspuntu taxonomikotik esangura berezia baitauka. Bolba daukaten perretxiko bat aurkitzean, ia seguru esan daiteke Amanitaceae taldeko ale bat dela. Honek garrantzi handia dauka, familia honetan, proportzionalki, beste taldeetan baino perretxiko pozoitsu gehiago baitaude.

Bolba Amanita caesarea honen oinarrian dagoen katilu-formako egitura nabarmena da.