Bojador

Bojador[1] —Bojador lurmuturra bezala ere ezaguna— (arabieraz رأس بوجدور Rā's Būjādūr) Mendebaldeko Sahararen ipar-mendebaldeko kostaldean dago, Kanariar uharteetatik hego-hego-ekialdera.

Bojador
Datu orokorrak
Garaiera3 m
Motalurmutur
Geografia
Map
Koordenatuak26°07′37″N 14°29′57″W
Herrialdea Maroko
Ur-gorputzaOzeano Atlantikoa

Historia

Bertara iritsi zen lehen europar nabigatzailea, Gil Eanes marinela izan zen, 1434an, bere hamabortzgarren espedizioan, Henrike Nabigatzailea printzeak bultzatuta. Ingurutik nabigatu zuten europar itsasontzi asko desagertu izanak, itsas munstroen existentzia eta Bojador lurmuturretik hegoaldera igarotzeko ezinezkotasuna bezalako mitoak sorrarazi zituen.

Kabotaje bidaietako ardura nagusiena, Bojador lurmuturretik gertu gertatzen diren haize aldaketak ziren, non, urtaro guztietan, gogor jotzen hasten diren ipar-ekialdetik. Azkenean, kostaldetik aldenduz, haize mesedegarriagoak zeudela ikusi zen. 1434tik aurrera, ibilbidea, portugaldarren eta beste herrialde batzuen espedizio berriei irekia geratu zen, lehenik Afrika hegoalderantz, eta, ondoren, Indiaraino.

1884an, Espainiak, Bojador lurmuturraren kostaldea, bere subiranotasunpeko protektoratu bezala izendatu zuen. 1975ean, Espainia erretiratu zen, eta, Madrileko Akordioen ondoren, Maroko, inguru hura kontrolpean hartzen saiatu zen, Maroko eta Aljeriaren arteko lehiak abiaraziz, Fronte Polisarioak aldarrikatzeagatik, Arabiar Errepublika Demokratiko Sahararra 1976an aldarrikatu zuen erakundea.

Erreferentziak
  1. Euskaltzaindia. Ekialde Hurbileko eta Ipar Afrikako toponimia. .

Kanpo estekak
Geografia
Mendebaldeko Sahara
 Artikulu hau Mendebaldeko Saharako geografiari buruzko zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.