Blur

Blur 1989an Ingalaterrako Essex konderriko Colchester udalerrian sortutako britpop eta rock musika taldea da. Lehendabiziko osakideak Damon Albarn (ahotsa eta teklatua), Graham Coxon (gitarra eta ahots laguntzailea) nahiz Dave Rowntree (bateria) izan ziren. Alex James baxua joleak berehala egin zuen bat. Britpop mugimenduko ikurra, kritika zein salmenten aldetik 1990eko hamarkadako talderik arrakastatsuenetakoa izan zen, eta eragin handia izan zuen etortzekoak ziren taldeengan.

Blur
Blur taldea 2013an, Erroman
Datuak
Jatorria	Colchester, Essex  Ingalaterra
Musika mota	Britpop
Urteak	1989 - 2003 2009 - gaur egun arte
Produkzioa
Diskoetxea(k)	Food Records Parlophone Virgin Records America
Taldekideak
Damon Albarn Graham Coxon Alex James Dave Rowntree
Sariak
Jasotako sariak	ikusi [[MOJO Awards (en) ]]
Informazio gehigarria
www.blur.co.uk/

Ingalaterrako poparen ildoan, The Kinks, The Small Faces, the Who, the Jam, Madness eta The Smiths dituzte erreferentzia. Britpop mugimenduaren buruan, estuegi lotu ziren taldea eta estiloa. Hamarkadaren bukaerako, berrasmatu zuten bere irudia, art pop rock taldea zela aldarrikatuta. Pavement edo R.E.M. gisako indie rocka bereganatuta, AEBetan arrakasta lortu zuten 1997an.

Graham Coxon sormen handieneko kideak taldea utzi zuen 2002an, Think Tank diskoaren grabaketa egunetan. Taldea, halere, ez zen desegin eta The Ververen Simon Tong gitarra-jotzaile ohia lagunduta 2003an bira egiteari eutsi zioten. Horrez geroztik, berriz, taldekideek bere kabuz jarraitzea hobetsi dute, eta Blur proiektua geldo dago.