Blagovestxensk

Blagovestxensk[1] (errusieraz: Благовещенск) Errusiako hego-ekialdeko hiria da, Amur oblastaren hiriburua. Amur eta Zeia ibaien bilgunean dago, Txinako mugaren ondoan[2]. 2010ean 214.390 biztanle zituen[3].

Blagovextxensk
Благовещенск
hiri/herria
Blagovextxensk gauez Irudi gehiago
Administrazioa
Herrialdea Errusia
Oblast-aAmur
AlkateaValentina Sergeevna Kalita (en) Itzuli
Izen ofizialaБлаговещенск
Jatorrizko izenaБлаговещенск
Posta kodea675000, 675002–675006, 675009–675011, 675014, 675016, 675018–675021, 675025, 675028 eta 675029
Geografia
Koordenatuak50°15′28″N 127°32′11″E
Map
Azalera353 km²
Altuera122 m
Demografia
Biztanleria224.419 (2017)
−1.966 (2020)
Dentsitatea699,12 bizt/km²
Informazio gehigarria
Sorrera1856 (hiri izaera 1858tik)
Telefono aurrizkia4162
Ordu eremuaUTC+09:00
Hiri senidetuakHeihe
http://www.admblag.ru/

Historia
Japoniarren propaganda-posterra, hiria hartu zutenekoa (1921-1922)

Blagovextxensk 1856. urtean sortu zuten, errusiarrek Ust-Zeisk izeneko postu militar bat ezarri zutenean. 1858an oraingo izena ipini zioten, hiri izendatu zuten, eta Amur oblast-eko hiriburu administratibo ere egin zuten; Alexandro II.a Errusiakoak hiria sortzeko ukaz edo agiria eman zuen 1858. urteko uztailaren 17an. 1877rako 8.000 biztanle inguru zituen.

XIX. mendearen amaieran ibai-portu eta merkataritza-gune garrantzitsu bihurtu zen, Txinako muga ondoan egoteagatik. 1913an trenbide Transiberiarrarekin lotu zen.

1919. urtean, Errusiako Gerra Zibilean, Japoniako armadak hiria hartu zuen; hainbat aldaketa administratibo jasan zituen hurrengo hamarkadetan, eta 1948. urtean berreskuratu zuen Amur oblast-eko hiriburutza.

1980ko hamarkadaren amaiera arte, Sobietar Batasuneko beste eskualdeetako biztanleek eta atzerritarrek mugatua zuten sarbidea; hori dela eta, kriminalitatea oso txikia zen hirian, baina ekonomia-hazkundea ere oso motela zen.

Klima
    Datu klimatikoak (Blagovestxensk)    
 Hila   Urt   Ots   Mar   Api   Mai   Eka   Uzt   Abu   Ira   Urr   Aza   Abe   Urtekoa 
Erregistraturiko tenperatura maximoa (°C) 0.2 7.0 20.3 27.9 34.7 37.5 37.7 36.9 33.5 28.0 13.4 3.6 37.7
Batez besteko tenperatura maximoa (°C) −16.6 −10.1 −0.9 10.4 19.2 25.1 27.1 24.7 18.7 8.6 −5.1 −15.0 7.2
Batez besteko tenperatura (ºC) −22.7 −16.9 −7.2 4.1 12.4 18.8 21.5 19.2 12.4 2.7 −10.3 −20.3 1.2
Batez besteko tenperatura minimoa (°C) −27.4 −22.5 −13.0 −1.7 6.1 13.2 16.8 14.6 7.3 −2.0 −14.6 −24.6 −3.9
Erregistraturiko tenperatura minimoa (°C) −44.5 −45.4 −35.7 −17.7 −7.5 0.1 8.2 4.4 −4.3 −24.8 −32.9 −41.2 −45.4
Pilatutako prezipitazioa (mm) 6 5 10 31 42 91 131 125 73 26 14 9 563
Euri egunak (≥ 0.1 mm) 0.09 0.03 0.5 8 13 15 15 16 14 7 0.3 0 89
Elur egunak (≥ 1 mm) 11 7 8 6 1 0 0 0 0 5 10 12 60
Eguzki orduak 139.5 194.9 226.3 222.0 251.1 255.0 226.3 226.3 168.0 189.1 156.0 124.0 2378.5
Hezetasuna (%) 73 68 62 55 55 69 76 78 72 61 67 74 67.5
Iturria: [4]

Kultura

Hirian bi eliza ortodoxo daude, antzokiak, bi parke, lau zinema, museo bat eta kulturgune bat. Bi unibertsitate daude: Blagovextxenskeko Estatu Unibertsitate Pedagogikoa eta Amurko Estatu Unibertsitatea.

2003. urtetik hona, zinema-foroa antolatzen da hirian, "Amurko Udazkena" izenpean.

Garraioak

Autobus-zerbitzuaz gain, trolebusak, taxiak eta marshrutkak dabiltza hirian. Amur ibaia zeharkatzeko ontziak ibiltzen dira, eta ibaia izozten denean, aerolabangailuak.

Erreferentziak
  1. 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (Noiz kontsultatua: 2023-09-25).
  2. Blagoveshchensk Global.britannica.com
  3. «Всероссийская перепись населения 2010 года. Том 1 2010eko Errusiako erroldaren emaitzak, 1. liburukia» Gks.ru
  4. http://pogoda.ru.net/climate/31512.htm Pogoda.ru webgunea

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.