Bixente Atxa

Bixente Atxa Uribe (Oñati, Gipuzkoa, 1965eko urriaren 14a) Mondragon Unibertsitateko Ingeniaritza irakaslea da, eta 2015eko urtarrila ezkero, Mondragon Unibertsitateko errektorea.[1]

Bixente Atxa

Bizitza
JaiotzaOñati, 1965eko urriaren 14a (58 urte)
Herrialdea Gipuzkoa, Euskal Herria
Hezkuntza
HeziketaMondragon Unibertsitatea
Hizkuntzakgaztelania
Jarduerak
Jarduerakunibertsitateko irakaslea eta ingeniaria
Enplegatzailea(k)Mondragon Unibertsitatea
KidetzaJakiunde

Ikasketak

Elektronikako Ingeniaritza Teknikoa egin zuen Arrasateko Goi Eskola Politeknikoan, eta Goi Mailako Ingeniaritza Elektronikoa Lull Unibertsitateko La Salle Ingniaritza Eskolan, Bartzelonan. Halaber, Elektronika eta Komunikazioa doktore titulua atera zuen Staffordshire-ko Unibertsitatean, Erresuma Batuan, eta MBA Executive Masterra Mondragon Unibertsitatean.

Lana

1987 eta 1989 bitartean I+G teknikari lanetan aritu zen Ulma Packaging kooperatiban, Oñatin. 1989an Robin Sinar Laser enpresan (Hanburgo, Alemania) ere I+G teknikari gisa egin zuen lan. Ondoren, Staffordshire Unibertsitatean Komunikazioetako irakasle laguntzaile lanetan jardun zuen, Erresuma Batuan.

1993an irakasle lanean hasi zen Mondragon Unibertsitatearen Goi Eskola Politeknikoko Elektronika Departamentuan, eta bertan bi ardatzetan garatu zuen bere ibilbide profesionala: irakaskuntzan, eta seinale eta komunikazioen teoriari lotutako teknologia-ikerkuntza eta berrikuntzako proiektuak.

2007an, Mondragon Unibertsitateko Goi Eskola Politeknikoko zuzendari nagusi izendatu zuten 2015eko urtarrilera arte; data hartatik aurrera, Mondragon Unibertsitateko errektorea da.

Erreferentziak
  1. (Gaztelaniaz) «Bixente Atxa izango da Mondragon Unibertsitateko errektore berria urtarriletik aurrera - Mondraberri» www.mondraberri.com (Noiz kontsultatua: 2018-07-03).

Kanpo loturak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.