Bipolarizazio (argipena)

Politikan, bipolarizazioa aurkako jarrera bi nagusitzen direneko egoerari deritzo, konponbiderako beste aukerak baztertuz eta eragile guztiak bi jarrera horietako batera bultzatuz. Zenbait ikuspuntutik azter daiteke:

• ikuspuntu orokor batetik, polarizazio politikoa, jarrera politikoak bi aurkako muturretan kokatzen direneko egoera;
• Gerra Hotza deritzon garaian bizi zen egoera, non munduko herrialde asko, Sobietar Batasunaren inguruan, alde batetik, ala Ameriketako Estatu Batuen ondoan kokatu ziren arlo politiko nahiz ekonomikoan;
• bipartidismoa, herrialde batean bi alderdi politiko nagusitzen direneko egoera, batzuetan agintean txandakaturik, alderdi txikien parte hartze politikoa eragotziz;
• politika ezker eta eskuin politikoaren ardatzean garatzen deneko egoera.