Bill Russell

William Felton "Bill" Russell (Monroe, Luisiana, 1934ko otsailaren 12a - Mercer Island, Washington, 2022ko uztailaren 31) estatubatuar saskibaloi-jokalaria izan zen, NBAko inoizko hoberenetarikoa.

Bill Russell
Irudi gehiago
Bizitza
Jaiotzako izen-deiturak	William Felton Russell
Jaiotza	Monroe, 1934ko otsailaren 12a
Herrialdea	Ameriketako Estatu Batuak
Talde etnikoa	afro-amerikarra
Lehen hizkuntza	ingelesa
Heriotza	Mercer Island (en) , 2022ko uztailaren 31 (88 urte)
Familia
Ezkontidea(k)	Dorothy Anstett (en)  (1977ko ekainaren 8a -  1980)
Anai-arrebak	ikusi Charlie L. Russell (en)
Hezkuntza
Heziketa	San Frantziskoko Unibertsitatea McClymonds High School (en)
Hizkuntzak	ingelesa
Jarduerak
Jarduerak	saskibaloi jokalaria, saskibaloi entrenatzailea, entrenatzailea, aktorea eta gorako jauzilaria
Parte-hartzailea 1956ko Udako Olinpiar Jokoak
Posizio edo espezialitatea	pibota
Kirol zenbakia	6
Pisua	98 kilogramo
Altuera	208 zentimetro
Jasotako sariak	ikusi NBAko Jokalari Baliotsuenaren Saria  (1958) NBAko Jokalari Baliotsuenaren Saria  (1961) NBAko Jokalari Baliotsuenaren Saria  (1962) NBAko Jokalari Baliotsuenaren Saria  (1963) NBA All-Star Game Most Valuable Player Award  (1963) NBAko Jokalari Baliotsuenaren Saria  (1965) Sports Illustrated Sportsperson of the Year  (1968) Askatasunaren Domina Presidentziala  (2011) honorary doctor of Harvard University  (2007)
Kidetza	Kappa Alpha Psi (en)

Russellek 13 urtez jokatu zuen Boston Celticserako, NBA txapelketa 11 aldiz irabazita. Talde horren dinastiaren pieza nagusia izan zen 1950 eta 1960ko hamarkada horietan. Henri Richard-ekin batera (National Hockey League, Montreal Canadiens), Russellek markari eusten dio txapelketa gehien irabazi duen Ipar Ameriketako atleten artean. Ibilbide profesionala baino lehen, San Frantziskoko Unibertsitaterako NCAAko bi txapelketa jarraian lortu zituen (1955 eta 1956an). Urrezko domina lortu zuen 1956ko Olinpiadetan AEBetako saskibaloi selekzio nazionalaren kapitain moduan.

Modu zabalean NBAko historia osoan inoiz ibilitako jokalaririk onenen artean hartuta dago. 1996an inoizko 50 jokalari onenen artean sartu zuten. Jaurtiketak blokeatzen eta jokalaria jokalariaren aurrean egindako defentsan nabarmendu egin zen eta arrazoi nagusietakoa zen Celtics-en arrakastarako. Erreboteak hartzen ere oso trebea izan zen, arlo honetan jokalari onena izan zelarik 4 denboraldiz, baita historiako bigarren markarik onenak ezarri ere. 12 denboraldiz jarraian 1.000 errebote edo gehiago hartu zituen. Wilt Chamberlainekin batera da jokalari bakarra partida bakar batean 50 errebote baino gehiago hartzen lortu duena. Erasoko esparruan 14.522 puntu eskuratu zuen ibilbide guztian zehar.

Earl Lloyd, Chuck Cooper eta Sweetwater Clifton aitzindariak izan zirelarik, Russell izan zen lehenengo afroamerikarra superstar estatusa eskuratzen NBAn. Halaber, lehendabiziko entrenatzaile afroamerikarra izan zen. Eskubide zibilen aldeko mugimenduan egindako lana dela-eta, Barack Obama Presidentetzako Askatasunaren domina eman zion 2011an.