Bill Clinton

William Jefferson Clinton (jaiotzaz Blythe III, Hope, Arkansas, 1946ko abuztuaren 19a), Bill Clinton moduan ezaguna, estatubatuar politikaria da, 1993tik 2001era Ameriketako Estatu Batuetako presidentea izandakoa.

Bill Clinton
Irudi gehiago
Ahotsa
42. Ameriketako Estatu Batuetako Presidentea 1993ko urtarrilaren 20a - 2001eko urtarrilaren 20a ← George H. W. Bush - George W. Bush → Hautetsia: 1992ko Ameriketako Estatu Batuetako hauteskunde presidentzialak, 1996ko Ameriketako Estatu Batuetako hauteskunde presidentzialak 33. Ameriketako Estatu Batuetako Presidente-Hautetsia 1992ko azaroaren 3a - 1993ko urtarrilaren 20a ← George H. W. Bush - George W. Bush → Hautetsia: 1992ko Ameriketako Estatu Batuetako hauteskunde presidentzialak 42. Arkansasko Gobernadorea 1983ko urtarrilaren 11 - 1992ko abenduaren 12a ← Frank D. White - Jim Guy Tucker (en) → 40. Arkansasko Gobernadorea 1979ko urtarrilaren 9a - 1981eko urtarrilaren 19a ← Joe Purcell (en) - Frank D. White → Arkansasko Fiskal Nagusia 1977ko urtarrilaren 3a - 1979ko urtarrilaren 9a ← Jim Guy Tucker (en)
Bizitza
Jaiotzako izen-deiturak	William Jefferson Blythe III
Jaiotza	Hope (Arkansas), 1946ko abuztuaren 19a (77 urte)
Herrialdea	Ameriketako Estatu Batuak
Bizilekua	Chappaqua (en)
Lehen hizkuntza	ingelesa
Familia
Aita	William Jefferson Blythe Jr.
Ama	Virginia Clinton Kelley
Ezkontidea(k)	Hillary Clinton  (1975eko urriaren 11 -
Seme-alabak	ikusi Chelsea Clinton
Anai-arrebak	ikusi Roger Clinton, Jr. Leon Ritzenthaler (en)
Familia	ikusi Marc Mezvinsky (suhi)
Hezkuntza
Heziketa	Hot Springs High School (en) 1964) Walsh School of Foreign Service (en) (1964 - 1968) Zientziatan graduatua University College, Oxford (en) (1968 - 1970) Yale Law School (en) (1970eko iraila - 1973ko maiatza) Juris Doctor (en)
Hizkuntzak	ingelesa
Jarduerak
Jarduerak	politikaria, abokatua, diplomazialaria, autobiografialaria, idazlea, irakaslea, estatu-politikaria eta saxofoi-jotzailea
Parte-hartzailea commencement at the Knox College (en) commencement at the Syracuse University (en) World Economic Forum Annual Meeting 2013 (en) Crypto Bahamas 2022 (en) World Economic Forum Annual Meeting 2004 (en)
Lateralitatea	ezkerra
Lantokia(k)	Washington
Enplegatzailea(k)	University of Arkansas (en) Nazio Batuen Erakundea
Jasotako sariak	ikusi Karlomagno Saria  (2000ko ekainaren 2a) Grand cross of the Order of the White Lion Four Freedoms Award – Freedom Medal  (2005) Philadelphia Liberty Medal Freedom Award  (2005) Sergio Vieira de Mello Citizen of the World James Parks Morton Interfaith Award NAACP Image Award – President's Award  (2001) TED Prize  (2007) Golden Plate Award Doublespeak Award  (1997) Grand Cross of the National Order of Honor and Merit  (2011) Askatasunaren Domina Presidentziala Fulbright Prize  (2006) Order of Logohu Grand Collar of the Order of Good Hope Order of the Cross of Terra Mariana, 1st Class St. George's Order of Victory Order of State of Republic of Turkey Ellis Island Medal of Honor Grammy Sariak Fellow of the American Academy of Arts and Sciences honorary doctorate from the McGill University  (2009ko urriaren 16a) Rhodes Scholarship  (1968) honorary doctor of the Hofstra University Osgar  (2008) Order of Good Hope Order of the White Lion Order of the Cross of Terra Mariana National Order of Honour and Merit Presidential Medal of Distinction Order of King Abdulaziz al Saud Order of Mubarak the Great 47th Annual Grammy Awards
Kidetza	Batzorde Trilaterala Arteen eta Zientzien Ameriketako Estatu Batuetako Akademia Fundazio Frantses-Estatubatuarra Phi Beta Kappa Elkartea
Musika instrumentua	saxofoia
Sinesmenak eta ideologia
Erlijioa	Metodismoa Eliza Metodista Batua
Alderdi politikoa	Ameriketako Estatu Batuetako Alderdi Demokrata
clintonlibrary.gov

Zuzenbide-ikasketak egin zituen, eta irakasle izan zen (1973-1976) Arkansasen [1]. 1974an egin zuen lehen ahalegina politikaren alorrean, Kongresurako hauteskundeetara aurkeztu baitzen eta, galtzaile atera bazen ere, boto-kopuru handia bildu zuen Alderdi Demokratarentzat. [2] 1976an, Clinton berriro hauteskundeetara aurkeztu zen, eta ordukoan Arkansasko fiskal nagusi atera zen. Handik bi urtera, Arkansasko gobernadore hautatu zuten, eta kargu horretan jardun zen hainbat urtez.

Clinton Estatu Batuetako lehendakari izendatu zutenean.

1992ko lehendakaritzarako hauteskundeetan Alderdi Demokrataren hautagai izatea lortu ondoren, kanpaina hiru zutabetan oinarritu zuen: ekonomia krisialditik ateratzeko plan bat, erdi-mailako gizarte-klaseari zergak gutxitzea eta osasun-segurantza moduko bat ezartzea. Hauteskundeetan, Clintonek botoen % 43 eskuratu zituen, Bushek % 38 eta Perotek % 19. 1993ko inaugurazio hitzaldian adierazi zuenez,

	Wikitekan bada UEUren liburu batetik ateratako testu zatia: Bill Clinton-en lehen inaugurazio hitzaldia
Liburu osoa: Gaur egungo munduaren historia, 1945-2009

Bill Clinton zineman.

Primary Colors -en filmari erreferentzia egiten dio 1992an izandako kanpainiari. [3]

Agintera igo eta berehala, ia 500.000 milioi dolar eskatu zituen zerga-igoeretan eta gastu gutxitzeetan, eta Kongresuak ia guztia onartu zion. Agintaldi hartan onartu zen, orobat, Estatu Batuak, Kanada eta Mexikoren arteko NAFTA edo merkatu batua. Osasun-sistemaren erreforma, ordea, atzera bota zioten. Kanpo-arazoen eremuan, israeldarren eta palestinarren arteko bake-prozesua bultzatu zuen. Balkanetara, berriz, 20.000 soldadu igorri zituen, nazioarteko indar gehiagorekin, bakeak egitera. 1996ko hauteskundeak aurrekoak baino errazago irabazi zituen Clintonek, botoen % 49 eskuratu baitzituen. Kanpo-arazoetan, Errusiako presidentea, Boris Jeltsin, sobietar blokeko kide izandako hiru estatu NATOn sar zitezen konbentzitu zuen.

Clintonen bigarren agintaldi hori markatu zuen gertaera nagusia sexu-eskandalu bat izan zen. Monica Lewinsky izeneko Etxe Zuriko bekadun ohi batekin sexu-harremanak izana egotzi zioten, eta Clintonek ukatu egin zuen, zinpean. Baina Kenneth Starr fiskalak Lewinsky deitu zuen deklaratzera, eta hark harremanak aitortu ondoren, Clintonek onartu behar izan zuen ez zuela egia esan. Hala, 1998ko abenduaren 19an, auzia sartu zioten lehendakariari zin faltsua egiteagatik eta justiziari oztopoak jartzeagatik baina, Senatura eraman zenean, kasua bertan behera geratu zen.