Bilbo–Concordia geltokia

Bilbo - Konkordetza, Konkordetza edota Santander geltokia izenez ere ezaguna, Renfe Feveren C-1f, R-3b, R-3 eta R-4 lineei dagokien lurgaineko tren geltokia da, Bilboko Abando barrutian kokatuta dagoena, Bailen kalean hain zuzen ere. Feveren geltoki nagusia da Bilbon, eta Valentín Gorbeña ingeniariak eta Severino Atxukarro arkitektoaren proiektuari jarraiki eraiki zen 1902an. 2013an FEVE desegin zenez geroztik, geltokiaren jabea ADIF enpresa publikoa da. Bailen kaleko sarrera nagusiaz gain, 2007an egindako zaharberritze lanen ondoren Jose María Olabarri kaletik ere sarbidea dago, Abandoko Indalecio Prieto geltokiarekin lotura egiten duela.

Bilbao - Konkordetza
Hurrengo trenak
Geltokiaren aurrealde nagusia.
Map
Lineak
« Ametzola ◄    ► Geltoki-burua
Kokapena
HelbideaBailén kalea, 2; 48003
UdalerriaBilbo,  Bizkaia
Geltokiaren datuak
Kodea05451
Gunea1. gunea
Irekiera1902
IrisgarriaGeltoki irisgarria 
ZerbitzuakAparkalekua     Itxaron gela Pertsonaldun txarteldegia 
AldageltokiaMetroa Trena Tranbia Autobusa Taxi 
Nasak2
Trenbideak3
JabeaADIF
EragileaRenfe Operadora
Garraio zerbitzuak
Renfe Aldiriak  Bilbo ↔ Balmaseda
Renfe Feve  Bilbo ↔ Santander
  Bilbo ↔ Leon
BizkaibusA3613  Bilbo - Ugao Miraballes - Orozko
A3622  Bilbo - Basauri - Artunduaga - San Miguel - Zaratamo
A3631  Bilbo - Galdakao - Larrabetzu
A3632 Bilbo - Basauri - S. Miguel (Begoñatik)
A3918 Orozko - Bilbo
A3928 Artea - Bilbo
A3929 Zeberio - Bilbo
BestelakoakTrena Transkantauriarra
Metroa Abando
Trena Abando Indalecio Prieto
Tranbia Abando
Taxi  Taxi

Geltokiak Renfe Feve marka komertzialaren aldirietako, distantzia ertaineko eta distantzia luzeko zerbitzuak biltzen ditu. Gainera, Transkantauriarra ere geltokian gelditzen da. Kanpoaldean, Bailen kalean, Bizkaibus hiri-arteko autobus zerbitzuaren geralekua dago. Olabarri kaleko irteeratik Abandoko Indalecio Prieto geltokira lotura dago, non Renfeko Aldirien eta distantzia luzeko lineak, Bilboko metroaren 1. eta 2. lineak, Bilboko tranbia eta Bilbobus eta Bizkaibusen hainbat linea har daitezkeen.

Euskal Y-a Bilbora heltzen denerako, eta Abandoko geltoki intermodala eraikitzearekin batera, Concordia geltokiko tren zerbitzuak Abandoko geltokira pasatzea espero da.

Kokalekua

Abando auzoan dago, Bailengo etxe orratza, Bilbotar Elkartearen egoitza, Bilboko Burtsaren eraikina eta Abandoko Indalecio Prieto geltokiaren artean.

Sarbideak

Geltokiak bi sarbide ditu, nagusia Emakumeen azaroaren 25eko plazatik eskailera bidezkoa, eta bigarren mailakoa José María Olavarri kaletik, kaleko kotan. Bigarren sarbide honetatik, eskailera bidez, Abandoko Indalecio Prieto geltokiak ere sarbidea du. Geltokiaren barruan bestibulua eta nasak lotzen dituen igogailua dago.

  • Eskailera bidezko sarbidea Autobusa  Emakumeen Azaroaren 25eko plaza, Bailen kalea 1
  • Arrapala bidezko sarbidea  Autobusa Taxi Sarbide irisgarria  José María Olavarri kalea, 1
  • Eskailera bidezko sarbidea     José María Olavarri kalea, 1

Historia

Kantauri itsasoko ertzean XIX. mendean trenbide estuen lineak sortu ziren, orografia malkartsuagatik trenbide zabalak eraikitzeko kostua handiegia zelako.

Hala, Bilboko 1876. urteko Zabalkundearen Planan lan egin zuten Severino Atxukarro arkitektoak eta Valentin Gorbeña ingeniariak -azken honek Kadaguako Trenbidea ere bultzatu zuen- tren geltoki berria proiektatu zuten. Geltokia zabalkundearen izkina partean kokatzen zen, Bilboko itsasadarraren aurrean, honen goian balkoi modura eraikiko zelarik, eta garaiko erdialdearen aurrean, Zazpi Kaleak alegia.

Geltokia Santanderretik Bilborako Trenbidearen Konpainiaren geltoki-burua zen, horregatik Santanderko geltokia ezizenez ere ezaguna da. Konpainia hori Kadaguako -Zorrotzako eta Balmaseda artean-, Zallatik Solareserako eta Solarestik Santanderrerako trenbide konpainien fusioaren ondorioz sortutakoa zen. Hasiera batean geltokiak bidaiariak zein zamak ere jaso zituen. Trenbide konpainia FEVE enpresa publikoak bereganatu zuen, eta hala, Bilboko Concordia geltokia esku publikora pasa zen.

2007an zaharberritu zen, irisgarritasun arauak betetzeko eta trafiko berrira egokitzeko. Gainera, erakusketak, hitzaldiak eta bestelako ekitaldiak egiteko ere moldatu zen.[1]

2008an Renfe Feveren sareak Bilbon jatorria duten linea guztien trafiko kontrol-zentroa instalatzeko lanak egiteari ekin zitzaion, guztira 391 km. luze diren trenbideak. Proiektua IMB arkitektura estudioak egin zuen eta geltoki barruan kokatzen den eraikinetako bat hustutzean zetzan, espazio ireki berri bat sortzeko.[2]

Arkitektura

Concordiako geltokia 1902an estilo modernistan eraikitakoa da. Fatxadak arrosa leiho handia dauka, eta Arriaga antzokiarekin batera Bilboko areatzaren erreferentzi-puntu nagusia da. Bilboko Belle Époque aroaren ondare garrantzitsua da. Kokapenagatik, Bilboko tren geltoki nagusien nukleoaren parte izan zen, izan ere Renfe Operadora eragilearen distantzia luzeko zerbitzuak geltokiaren atzealdean dagoen Abandoko geltokian biltzen ziren, aldirikoen zerbitzuak geltokiaren aurrealdean zegoen eta gaur egun desagertu den Bilbao La Naja geltokian batzen ziren bitartean.

2007an egindako geltokiaren zaharberritze lanak bukatu ondoren barrualdeko itxura aldatu zen, fatxada nagusiaren konpontzea ere egin zela, eta Abandoko geltokirako lotune berri bat ere ireki zela.

Zerbitzuak

Lotuneak

Geltokiaren kanpoaldean Bizkaibus zerbitzua hornitzen duen autobus geralekua dago. Hurrengo lineak geralekutik pasatzen dira:

 2404 Bailén 1
Irteera:  Emakumeen Azaroaren 25eko plaza, Bailén 1

Txantiloi:Bizkaibus A3632 etorria

Argazki galeria
  • Geltokiko fatxada nagusia Areatzako zubitik
    Geltokiko fatxada nagusia Areatzako zubitik
  • Emakumeen Azaroaren 25eko plazako sarbidea
    Emakumeen Azaroaren 25eko plazako sarbidea
  • José María Olavarri kaleko sarbidea, Abandoko geltokiarekin lotunea
    José María Olavarri kaleko sarbidea, Abandoko geltokiarekin lotunea
  • Barrualdea
    Barrualdea
  • Nasak
    Nasak
  • Barrualdean dagoen tren-makina zaharra
    Barrualdean dagoen tren-makina zaharra
  • Victor Txabarriren omenezko oroitarria
    Victor Txabarriren omenezko oroitarria

Erreferentziak
  1. La estación del Ensanche. El Correo
  2. Feve despega en La Concordia. El Correo
  3. (Gaztelaniaz) «Renfe instalará desfibriladores en 11 estaciones de Cercanías de Bizkaia» Bilbao Actual (Noiz kontsultatua: 2018-06-19).

Ikus, gainera

Kanpo estekak
Euskarazko Wikipedian bada atari bat, gai hau duena:
Bilbo
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.