Bilbao Athletic

Bilbao Athletic
Datuak
Izen ofiziala	Bilbao Athletic
Mota	futbol-kluba
Herrialdea	Espainia
Izengoitia	Lehoikumeak, Kumeak eta Cachorros
Liga	Lehen Federazioa
Estadioa	Lezamako instalazioak: Lezama; 43.28°N 2.84°W ; 1.400
Agintea
Entrenatzailea	Alex Pallarés (en)
Egoitza nagusi	Bilbo;
Jabea	Athletic
Babeslea	Kutxabank
Historia
Sorrera	1964
Koloreak

	Etxekoa

	Kanpokoa
	webgune ofiziala;

Bilbao Athletic edo Athletic B Athletic Clubeko futbol arloko talde profesionalen azpian dagoen futbol taldea. Harrobiko maila altuena da eta jokalariez hornitzen du lehen taldea. Egun Bigarren B Mailaren II. Multzoan dabil. Espainiako Federakuntzaren arauak direla eta, bigarren taldea izanda beti lehendabiziko taldea baino maila bat beherago (gutxienez) jokatu behar du eta ezin du Errege Kopan parte hartu. Taldeak 23 urte baino gazteagoak diren futbolariek osatua izan behar da, edo behintzat, 25 urte baino gazteagoak baina lehen taldearekin kontratu profesional bat sinatu dutenek.

Historia

Bilbao Athletic 1938an, Espainiako Gerra Zibilaren garaietan, sortu zuten Espainiako Ligaren etenaldian Bizkaiko Txapelketan parte hartzeko. Gerra bukatu eta berehala, taldea desagertu zen Getxoko Arenas bigarren taldea bihurtuta.

1964an ideia berpiztu eta, Piru Gainzak entrenatuta, Bigarren Erregional Mailan hasi zen 1966an Hirugarren Mailara igo arte. 1969an Bigarren Mailara igotzea lortu zuen urte bakarrerako. Bigarren igoera 1983an izan zuen eta 1996 arte urtero aritu zen bertan, 1988-89 denboraldian ezik. Emaitza onak ere lortu zituen, bereziki lehenengo urtean, 1984an, bigarren egin baitzuen baina ez zen mailaz igo Athletic-en harrobiko taldea zelako. 1990an hirugarrena izan zen eta igotzea tokatzen zitzaion arren bigarren mailan gelditu zen berriz.

Azken bi hamarkadetan Bigarren B mailan aritu da eta hainbat aldiz igoera play-offa jokatu du. 2015 ekainean lortu zuen Bigarren mailara bueltatzea baina urte bakarra egin zuen bertan. 2022-23an Bigarren maila RFEF-ra jeitsi zen.

Futbol Zelaia

Athletic Clubek Lezamako bere instalazioetan duen zelaiak 2.000 ikusleentzako tokia du. Bigarren Mailan aritutako denboraldietan San Mames ere erabili du.

Datuak

2023-24 denboraldia barne.

Denboraldiak Lehenengo Mailan: 0
Denboraldiak Bigarren Mailan: 14
Denboraldiak Lehen maila RFEFn: 2
Denboraldiak Bigarren maila RFEFn: 1
Denboraldiak Bigarren B Mailan: 30
Denboraldiak Hirugarren Mailan: 10
Emaitzarik onena: 2.a (Bigarren Maila 83-84 denboraldia)

Palmaresa

Bizkaiako Txapelketa: 1938-39
Bigarren B Maila (2): 1982-83, 1988-89
Hirugarren Maila (2): 1966-67, 1968-69

Azken urteetako ibilbidea

Urtea	#	Maila	Postua
1999-00	3	Bigarren B maila	8.a
2000-01	3	Bigarren B maila	6.a
2001-02	3	Bigarren B maila	6.a
2002-03	3	Bigarren B maila	4.a
2003-04	3	Bigarren B maila	11.a
2004-05	3	Bigarren B maila	4.a
2005-06	3	Bigarren B maila	6.a
2006-07	3	Bigarren B maila	15.a
2007-08	3	Bigarren B maila	15.a
2008-09	3	Bigarren B maila	4.a
2009-10	3	Bigarren B maila	15.a
2010-11	3	Bigarren B maila	12.a
2011-12	3	Bigarren B maila	8.a
2012-13	3	Bigarren B maila	3.a
2013-14	3	Bigarren B maila	5.a
2014-15	3	Bigarren B maila	2.a (igo)
2015-16	2	Bigarren maila	22.a (jeitsi)
2016-17	3	Bigarren B maila	8.a
2017-18	3	Bigarren B maila	4.a
2018-19	3	Bigarren B maila	6.a
2019-20	3	Bigarren B maila	3.a
2020-21	3	Bigarren B maila	2.a
2021-22	3	1. maila RFEF	15.a
2022-23	3	1. maila RFEF	20.a
2023-24	4	2. maila RFEF

Taldea, denboraldiz denboraldi

Kanpo estekak

Datuak: Q794970

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.