Berri Txarrak

Berri Txarrak Lekunberrin (Nafarroa Garaia) 1994an sortutako rock estiloko musika hirukotea zen. Taldeak 2019rako etenaldi mugagabea iragarri zuen. Hamabi disko, bilduma-lan bat eta dokumental bat argitaratuak ditu, ale bakoitzean jarrera eta garapen etengabea erakutsiaz. 25 urtez, bere entzuleria zabala ezustean harrapatzen eta etengabe bide berriak irekitzen aritu da, erosotasun artistikotik ihesi. Euskal Herritik kanpo oihartzunik handiena izan duen rock metal estiloko taldea da, zuzenekoetan eta beraien laneta punk eta hardcorea, maitasunetik amorrurainoko sentimenduak jorratu izan dituztelarik.[1]

Berri Txarrak
Berri Txarrak Lagunartean kontzertua, 2019ko uztailaren 14an
Datuak
EzizenakBTX
JatorriaLekunberri (Nafarroa Garaia)
 Euskal Herria
Musika motanu metala
metal alternatiboa
rock alternatiboa
Urteak1994 – 2019
Produkzioa
Diskoetxea(k)Gor Diskak
Roadrunner Records
Taldekideak
Gorka Urbizu
David Gonzalez
Galder Izagirre
Lehengo taldekideak
Aitor Goikoetxea
Aitor Oreja
Mikel Lopez «Rubio»
Sariak
Jasotako sariak
Informazio gehigarria
www.berritxarrak.net
Facebook: berritxarrak Twitter: berritxarrak MySpace: berritxarrak Badok: berri-txarrak Bandcamp: berritxarrakSouncloud: berritxarrak Spotify: 4us4jlCknYAd9OSkLSu82e iTunes: 215543306 Last fm: Berri+Txarrak Musicbrainz: f126d39a-7fb7-43aa-ba17-23c9e065594c Songkick: 27945 Discogs: 1715132 Allmusic: mn0001969601 Musikasten: berri-txarrak Edit the value on Wikidata

Ibilbidea
Berri Txarrak taldea Proisa graffiti gunean,(Pasaia, 2018)[2]

Hasiera batean, Gorka Urbizu (ahotsa eta gitarra), Aitor Goikoetxea (bateria), Mikel Lopez Rubio (baxua) eta Aitor Oreja (gitarra) laukoteak osatzen zuen taldea, baina azkenak 2004ean taldea utzi eta hirukote bilakatu ziren.

Gor diskoetxearen arabera, rocketik abiatuta, poparen sentsibilitatea zein metal menderaezinaren indarra jasotzeko gai dira Berri Txarrak, hardcorearen amorrua eta jarrera zein punk-rockaren energiara hurbilduz nahi ahala. Gainera, mezua zaintzen duen taldea da, inkonformista eta kritikoa, ukitu poetikoz zipriztindua. Nazioarte mailan Berri Txarrak euskal rock gogor talderik arrakastatsuenetakoa da, birak Ingalaterran, Danimarkan, Alemanian, AEBetan, Mexikon eta Nikaraguan besteak beste egin baitituzte.[1][3]

Euskadi Gaztea maketa lehiaketan entzuleen saria irabazi zuen 1996an[4] eta Berri Txarrak izeneko lehenengo diskoak (1997) Su ta Garren ildoko kanta on sorta bat utzi zuen. Baina 1999an etorriko zen lehenbiziko ezustea, Ikasten diskoa kaleratzearekin batera. Lan hau berritzailea izan zen euskal rock gogorraren panoraman, eta gerora etorriko zen etorkizun oparoa aurreikus zitekeen. 2001eko abuztuan bukatu zuten Andoaingo Garate estudioetan, Kaki Arkarazok ekoitzitako euren hirugarren diskoa, Eskuak / Ukabilak. Hor daude taldearen klasikoetako batzuk: Oihu, Stereo edota Biziraun (urteko kanturik onenaren Gaztea Saria lortu zuena).[5]

Laugarren diskoa 2003ko urrian kaleratu zen, Libre (c) izenburupean. Osotara hamaika kantu berri, hardcorea, metala eta emo estiloa batuz. «Denak ez du balio» kantuan Rise Against taldeko Tim abeslariak kolaboratu du. Disko honek harrera ezin hobea izan zuen kritika eta publikoaren aldetik (Rock Sound aldizkariak 2003ko Espainiako diskorik onena izendatu zuen).

2005ean Jaio.Musika.Hil bosgarren albuma hirukote moduan kaleratu zuten, Karlos Osinagak grabatu eta Ed Roserekin (The Get Up Kids, Coalesce, Kurt Cobain, Motion City Soundtrack...) elkarlanean ekoitzi eta nahastua. Kritikak beste behin lan berria txalotu zuen. Mondosonoro aldizkariak 2005eko Espainiako hardcore diskorik onena izendatu zuen. Jaio.Musika.Hil diskoaren 10. urteburuko edizio berezia egin zuten: binilo gardenean edizio espezial bat, 180 gm pisatzen duena. [6]

2008ko maiatzean Mikel Lopez «Rubio» baxu-jotzaileak Zertarako Amestu Tour 2008 bira amaitzean taldea utziko zuela iragarri zuen.[7] 2010eko abuztuaren 9an taldea uztea erabaki zuela jakinarazi zuen Aitor Goikoetxeak,[8] Galder Izagirreri lekua utzita bateria lanetan. 2014ko azaroaren 24an, taldearen 20. urteurrena zela eta, 20 kanta zituen disko hirukoitza kaleratu zuen Berri Txarrak, Denbora da poligrafo bakarra izenarekin. Albumaren hiru zatietako bakoitzak ekoizle bat du: Ross Robinson, Ricky Falker eta Bill Stevenson.[9][10]

2017ko azaroaren 24ean lan berria argitaratu zuten: Infrasoinuak. AEBetan grabatu zuten eta ekoizleak Bill Stevenson eta Jason Livermore izan ziren. 2018an Infra Tour 2018 burutu zuten munduan zehar.[11][12]

2018ko abenduan, Gorka Urbizuk iragarri zuen taldeak «etenaldi mugagabea» egingo zuela, 2019rako prestatua zuten Ikusi Arte biraren ondoren.[13][14]

2019ko Azaroaren 23an azken kontzertua iragarri zuten. Taldekide ohiak agertu eta bi kantu aurkeztu zituzten.

2019ko abenduaren 5etik 8ra azken aldiz egon ziren publikoaren aurrean Durangoko azokan. Hemen, "Ikusi Arte Tour 2019"ko liburua aurkeztu zuten, "Berba eta Irudia" deituta.

Kolaborazioak beste taldeekin

Rise Againsten taldearen Europako birako hasierako taldea izateaz gain, Libre albumean Tim McIlrathek (Rise Againsteko abeslaria) parte hartzen du «Denak ez du balio» kantuan. Horretaz gain, abeslari berak «Folklore» eta «Achtung!» kantuetan ere abesten du. Beste izen handiko taldeko batzuek ere kolaboratu dute Berri Txarrak taldearekin, hala nola: Boikot («Stop Censura»), Kauta (0Mezulari izan nahi dut»), Kerobia («Zuen tragediak»), Muted («Ez naiz gai»), Dikers («Aprende a desconfiar»), Habeas Corpus («Por una vez»),Jousilouli («Aurkituko ahal dut»), KOP («Sols el poble salva al poble»), la M.O.D.A («PRMVR»), Esne Beltza («Sortzen») eta Adrenalized («Gezurra ari du»). Berri Txarrak taldeak Judas Priest-i «Breaking the Law» kantuarekin tributua egin zion eta 18/98 auzolanean diskan «Min hau» kantuarekin 18/98 makroauziaren kontra azaldu zen. Bestalde, Berri Txarrakek 2012an Elorrion egindako Gazte Topaguneko kantuan, «Bisai Berriak» , ere parte hartu zuen Lehiotikan-eko Gorkarekin, Zea Mays-eko Aiorarekin, El Corazón de Sapoko-ko Fernandorekin eta Kuraia eta Matxurarekin.[15][16][17]

Gorkak (taldeko abeslaria eta gitarrak) paraleloki beste hainbat proiektutan parte hartu du; Peiremans+,zeinekin bost kantu editatu zituen, edo Katamaloren «Bihotz Bakartien Kluba» ekimenean, esaterako.[18][19]

Taldekideak

Taldekide ohiak

Kronologia

Diskografia
Berri Txarraken afixa

Albumak

Zuzenekoak

Singleak
  • Etsia - 2014
  • Lemak, Aingurak - 2014
  • Zerbait Asmatuko Dugu - 2014
  • Bakarrik egoteko modu berri bat - 2017
  • Infrasoinuak - 2017
  • Spoiler! - 2017

Kolaborazioak

Horietaz gain, beste zenbait bildumatan hartu dute parte:

  • 'Nafarroa, hitza dantzan' (2001, Gor Diskak).
  • 'Navarra, tierra de rock / Rock Lurraldea'.
  • 'Tributo a Judas Priest' (2000, Zero Records, ).
  • 'Bisai Berriak', 2002an Elorrion ospatu zen Gazte Topagunerako idatzia.
  • Kop taldearen Nostrat diskoan, Sols el poble salva el poble kantuarekin.
  • 'Min hau', '18/98+... Auzolanean' bildumarako.
  • Denak ez du balio (singles 1997 - 2007)

Bildumak
  • Denak ez du balio: Singleak 1997-2007 (Bilduma) - 2010 (Gor diskak)

Liburuak
  • Berba eta Irudia - 2019

Sariak eta errekonozimenduak
  • 2015ean Premios Fest sariketan Estatuko Zuzenekorik Onenaren Saria, Vetusta Morla eta La Pegatina izendatuen aurretik.[20]
  • 2015ean Euskarazko diskorik onena, Musika Independientearen (MIN) sarietan [21]
  • 2015ean ‘Zerbait asmatuko dugu’ abestiarekin, bideoklip onenari saria Caostica zine jaialdian. [22]
  • 2017an Musika Bulegoa Saria. [23]
  • 2019an Adarra Saria.[24][3][25]

Une esanguratsuak

Berri Txarrak Aragoien zentsuratua eta persona non grata izendatua

Zaragozan 2015eko irailaren 25ean NATOren eta haren maniobra militarren aurka kantaldia egitekoa zen, eta Berri Txarrak taldeak ere kantatuko zuela iragarri zen. Aragoiko gobernuan zen alderdiak, PPk, Berri Txarrakek kantaldian parte hartzea debekatzea eta taldekideak Aragoin persona non gratatzat izendatzea eskatu zuen. Horren aurrean, eta zenbait hedabidek Berri Txarraken izen onaren aurka abiarazi zuten kanpainari erantzuteko asmoz, taldekideek adierazpen hau plazaratu zuten[26]:[27][28]

« Gogor gaitzetsi eta salatzen dugu pertsona guztion oinarrizko eskubidea den Adierazpen Askatasunaren aurkako eraso berri hau. Gure kanten bitartez beti egin dugu Adierazpen Askatasunaren alde eta etorkizunean ere berdin jokatuko dugu.

20 urtean ez dugu egundo inongo auzitegiren ezelango salaketa, leporatze edota zigorrik jaso. Horrenbestez, hainbat komunikabidek egozten dizkigutenak oinarri juridikorik gabeko salaketak direla ziurtatu gura dugu. Salaketok, gure taldearen jarduna gainditzen duten ekinbideak dira, beste sortzaile askori kaltea itzela eragin diotenak eta denboran gehiegi luzatzen ari direnak. Bada garaia antzeko jokabideei amaiera eman diezaiegun.

Era berean, Berri Txarrak arerio ideologikoei eraso egiteko erabiltzea arbuiatzen dugu (bai beste alderdi politiko zein eragile sozialei). Gure ustean, estrategiok etekin elektorala lortzeko baino ez dira eta eremu politikoko alderdi atzerakoienek sustatzen dute. Gu ez gara inoren txotxongilo, ez dugu inolaz ere gurea ez den gatazka batean erabili gaitzaten onartuko. Aragoiko PPren eskaera erabat zentzugabea eta neurriz kanpokoa da, Berri Txarrakek PPk gobernatzen dituen hainbat udalerritan edota PPren beraren esku dagozen telebista zein irrati saio publikoetan parte hartu baitu ezelango arazo barik

Gure kantak mundu osoan eskaintzen jarraitzeko asmo irmoa adierazi gura dugu, baita horren abegikor hartu gaituen Zaragozan ere. Gure zaleei zor gatzaizkie.

Eskerrak eman gura dizkiegu orduotan jaso ditugun elkartasun keinu guztiei. Eskerrik asko denoi.

«Gu isil gaitzakezu,
gure kantuak ez.»

  »

Berri Txarrak MTVn jotzearen ondorioz eztabaidak sare sozialetan

2018an Bilbon EMA-MTV sarien emanaldia burutu zen. Piztu Bilbao, itzali MTV plataforma oso aktibo agertu zen MTVak inposatzen duen kultura eredu kapitalistatik kontra. Testuinguru horretan Bizkaiko Foru Aldundiaren babespean azaroaren 3an Bilboko San Mames estadioan antolatu MTVren hainbat kontzertu, horien artean Berri Txarrak taldearena. Eztabaida bizia piztu zen sare sozialetan taldeak bere kantuen hitzetan defendatutako balioak MTV musika kate erraldoiak bultzatzen duen gizarte ereduaren kontrakoak zirela adieraziz. Ordu erdiko emanaldia hastean Gorka Urbizuk hitz hauek bota zituen txalo zaparrada bat jasoz: «Euskal kultura ikusezin izateari uzteko bakoitzak egin dezala ahal duena; guk ez daukagu formularik, baina hona gatoz umiltasun osoz». [29][30][31][32][33]

Etenaldi mugagabearen iragarpena

2018ko abenduaren 12an ezuste handia eragin zuen bere jarraitzaileen eta orokorrean euskal jendartean taldeak 25 irteko ibilbidearen ostean bere etenaldi mugagabea egitea erabaki izanak.[34][35][36]

« Gorka Urbizuk abenduko 12an kaleraturiko oharra  »

Hamazazpi urteko mutikoa nintzenetik (1994) inongo etenik gabe taldean jardun eta munduan barna milatik gora kontzertu eman ondoren (Lekunberritik hasi eta Zelanda Berriraino, New Yorketik Sao Paulora, Managuatik Madrilera, Nantesetik Pekinera…); furgoneta zein hegazkinetan ordu mordoa igaro, afiziotik ofiziora pasa eta proiektu honi dedikazio osoa eskaini izanaren poza eta nekea bihotzean, zera jakinarazi nahi dizuet mezu honen bidez: BERRI TXARRAK-ekin ziklo ahaztezin bat ixteko garaia heldu dela sentitzen dut. Geratzeko beharra daukat, distantzia hartzekoa. Horren konplikatua eta sinplea da. Hogeitaka urtetan atsedenik hartu gabe aritu ondoren, egunetik egunera nekezagoa zait higadura emozional eta fisiko honi aurre egitea. Oraintxe bertan gure erritmoak ez doaz parean eta ez gaude %100ean jarraitzeko moduan. BTX-en entzuleek ez lukete ulertuko hala segitzea, eta erabakia benetan zaila den arren, gauden tokian jarri gaituztenenganako errespetua beti egon da talde honen lehentasunen zerrendaren gorenean.

Musika eta sormena ulertzeko modu asko dago, sortzaileak beste ziurrenik. Baina momentu batetik aurrera ezbaian jarri behar da ia dena. Erabaki beharra dago beti atezuan dagoen inertziarekin ze harreman mota eduki nahi duzun. Aroak ixten asmatu eta berriak abiatzen saiatu. Bestela esanda: ikasten segi.

Hori horrela, 2019rako prestatu dugun bira luzearen ondoren taldeak etenaldi mugagabea egingo duela jakinarazi nahi dizuegu. Ospakizun bira berezia izango da zinez, ez alperrik 25 urte beteko baitira taldearen sorreratik (mende laurden!). Ikusi Arte Tour 2019 honen inguruko xehetasunak datozen egunotan argituko ditugu.

Gauza asko egin ditugu, geure modura egin ere, ez dugu berehalakoan ahaztuko. Urrats bakoitzeko, beti saiatu izan gara egindako horretan maitasun osoa jartzen. Izango da astirik musikaren bidez bizitakoa eta bizi arazitakoaz sakonago hausnartzeko. Momentuz gure asmoa drama edo nostalgia oro saihestu, bidaia haluzinante honengatik topo egin eta zuekin batera geratzen diren kontzertuez gozatzea da. Elkarrekin inoizko ozenen egingo dugu oihu, arima urratu arte!

Bihotz eta belarri asko hunkitu dugun sentipena daukagu eta zuekin esker oneko agertzea besterik ez zaigu geratzen. Talde bati gerta dakiokeen gauzarik handiena da halako entzulegoa izatea eta horregatik ESKERRIK ASKO erraldoiena zuentzako da. Eskerrik asko, orobat, gure senitarteko, lagunarte eta bikotekideei zuen ulerberatasunagatik, gauzak erraz jarri dizkiguzuelako trukean ezer eskatu gabe. Mila esker urteotan guztiotan BTX crew lantalde bikaina osatu duzuenoi, beti izan zarete gure bigarren familia. Eskerrik asko antolatzaile, zigilu, ekoizle, talde, erakunde, gaztetxe, disko-denda, areto, jaialdi, teknikari, musikari, hedabide, lagun, etsai eta rockaren fauna basati honetan beharrezko diren beste hainbat izakiri. Zuek gabe, hau guztia ez zatekeen posible izango.

Gu bagoaz, musikak darrai: talde on piloa dago bazterrotan barna, euren kontzertuen entzuleen artean topatuko gaituzue. Bien bitartean, adierazteko molde berriak bilatuko ditut, exigitzea zilegi den gutxieneko hori elikatzen jarraitu ahal izateko: kantuak sortu eta jendearekin partekatzeko pasioa, alegia. Helduko dira doinu berriak, noiz eta nola ezin jakin momentuz.

BTX-ek bederatzi disko, dokumental bat eta bilduma lan bat uzten ditu oinordetzan. Euskarazko ehun abestitik gora, norbaitek entzun edo kantatzen dituen aldi oro bizirik mantenduko direnak. Inon izatekotan, hortxe baitatza kantuaren indarrak.

Gu bagoaz, baina gugan betirako iraungo du akorde bakoitzean txertatu genuen leitmotive horrek: JAIO.MUSIKA.HIL. Hori, berrizaleok, ezingo digu inortxok ere kendu. Estutu bana.

Gorka Urbizu – Berri Txarrak 2019ko otsailean taldeak prentsaurrekoa eman zuen Lekunberrin, 2018an iragarritako etenaldi mugagabearen inguruko azalpenak emateko. Bertan Gorka Urbizu taldeko abeslariak azaldu zuen bera izan zela etenaldiaren erabakia hartu zuena, taldekideekin hitz egin ondoren eta gaia bueltaka zeukatela azkeneko urteetan, baina Zeelanda Berrian jo zuten milagarren kontzertua “mugarri” izan zela. Itzultzeko atea irekita uzten dutelako “etenaldi mugagabea” eta ez amaieraz hitz egin izan dutela. [37][38][39]

Makrokontzertua Kobetamendin
  • Berri Txarrak Kobetamendin (2019)

2019an zehar agurrerako Ikusi Arte Tourrak taldea eraman du hamaika kontzertu ematera baina horien guztien artean uztailaren 14ean Kobetamendin emandakoa nabarmendu zen. 20.000 lagunen aurrean, hiru orduz jo zuten ia 20 musikari lagunek lagunduta: Anari, Broken Brothers Brass Band, Facu Díaz, Jurgi Ekiza (Willis Drummond), Ricky Falkner (Egon Soda, Love of Lesbian), Aitor Gorosabel (Su Ta Gar), Matxet (Jousilouli), Toni Mejias (Los Chikos del Maíz, Riot Propaganda), Aritz Mendieta (Deabruak Teilatuetan), Karlos Osinaga (Lisabo), Marin Perarnau (Mucho), Aiora Renteria (Zea Mays), David Ruiz (La M.O.D.A), Matt Sharp (ex bajista de Weezer), Nerea Urbizu (Ene Kantak, Katamalo), Enrique Villareal, el Drogas (Barricada).[40][41][42][19][43]

Erreferentziak
  1. (Gaztelaniaz) Zurdo, David Mota. (2019-01-10). «Tijera contra papel. Vetos y obstaculizaciones a la música underground: el caso vasco» Inguruak 0 (65) ISSN 0214-7912. (Noiz kontsultatua: 2019-07-16).
  2. «Berri Txarrak izango da aste honetako MusikaZuzenean Web telebista saioko protagonista. Pasai San Pedron egin dugu hitzordua hirukoarekin, Nexgraff graffitigile gaztearen muralaren aurrean! | Berri Txarrak izango da aste honetako MusikaZuzenean Web telebista saioko protagonista. Pasai San Pedron egin dugu hitzordua hirukoarekin, Nexgraff... | By Hamaika Telebista | Facebook» www.facebook.com (Noiz kontsultatua: 2023-09-03).
  3. «Berri Txarrak taldeak irabazi aurtengo Adarra saria» El Correo 2019-05-20 (Noiz kontsultatua: 2019-07-16).
  4. «Maketa Lehiaketa, 27. irabazlearen bila» Euskal Irrati Telebista (Noiz kontsultatua: 2020-11-14).
  5. Vasco, Diario. «Kontzertua: Berri Txarrak + Ladislao» agenda.diariovasco.com (Noiz kontsultatua: 2019-07-16).
  6. ‘JAIO.MUSIKA.HIL’ BINILO GARDENA, 10. URTEURREN EDIZIO BEREZIAN | Berri Txarrak. (Noiz kontsultatua: 2019-07-16).
  7. «Rubiok Berri Txarrak utziko du», Berritxarrak.net.
  8. Aitorrek Berri Txarrak utzi du
  9. Iñigo Astiz, «Berri Txarrak hirukoitza», Berria, 2014-11-24
  10. «Berri Txarrakek Denbora da poligrafo bakarra lana aurkeztu du Euskalerria irratian - Irunerria» euskalerriairratia.eus (Noiz kontsultatua: 2019-07-16).
  11. Berria. «'Infrasoinuak' Berri Txarrak-en hurrengo lana, 'Badok'-en» Berria (Noiz kontsultatua: 2019-07-16).
  12. «Berri Txarrak taldearen Infra Tour 2018 Asia, Australia eta Europan zehar ibiliko da. Noticias de Gipuzkoa» Noticias de Gipuzkoa (Noiz kontsultatua: 2019-07-16).
  13. Urbizu, Gorka. «Berri Txarrak: ikusi arte (1994-2019)» BerriTxarrak.net (Noiz kontsultatua: 2018-12-12).
  14. «Berri Txarrak taldeak ‘etenaldi mugagabea’ egingo du» www.eitb.eus (Noiz kontsultatua: 2019-07-16).
  15. (Gaztelaniaz) «Berri Txarrak: 'Denak ez du balio'» www.eitb.eus (Noiz kontsultatua: 2019-07-16).
  16. (Gaztelaniaz) «La Fuga, Berri Txarrak y Boikot, en el primer día de Viña Rock» abc 2016-04-28 (Noiz kontsultatua: 2019-07-16).
  17. Biografia | Berri Txarrak. (Noiz kontsultatua: 2019-07-16).
  18. (Gaztelaniaz) «El proyecto poético-musical Katamalo termina con una gira» El Diario Vasco 2008-09-26 (Noiz kontsultatua: 2019-07-16).
  19. (Gaztelaniaz) «Peiremans+, un grupo “corto pero intenso”. Deia, Noticias de Bizkaia» Deia (Noiz kontsultatua: 2019-07-16).
  20. http://www.berritxarrak.net/berri-txarrak-estatuko-2015eko-zuzeneko-onenari-saria-premios-fest-sariketan/?lang=eu
  21. http://www.berritxarrak.net/berri-txarrak-en-ddpb-euskarazko-diskorik-onena-musika-independientearen-sarietan-min/?lang=eu
  22. http://www.berritxarrak.net/zerbait-asmatuko-dugu-bideoklip-onenani-saria-caostica-zine-jaialdian/?lang=eu
  23. «Musika Bulegoa Sariak 2017: hauek dira irabazleak» www.etxepare.eus (Noiz kontsultatua: 2019-07-16).
  24. Ferreira, Maialen. «Berri Txarrak taldeak Adarra Saria irabazi du» eldiario.es (Noiz kontsultatua: 2019-07-16).
  25. Berria. «Berri Txarrak taldeak jasoko du aurtengo Adarra saria» Berria (Noiz kontsultatua: 2019-07-16).
  26. (Gaztelaniaz) «El PP exige prohibir la actuación de Berri Txarrak en el concierto Anti-OTAN de Zaragoza | Arainfo» AraInfo | Diario Libre d'Aragón 2015-09-10 (Noiz kontsultatua: 2019-07-16).
  27. «Berri Txarrak taldearen adierazpena», BerriTxarrak.net.
  28. (Gaztelaniaz) Aragón, Heraldo de. «Berri Txarrak: "No estamos dispuestos a ser marioneta de una guerra que no es la nuestra"» heraldo.es (Noiz kontsultatua: 2019-07-16).
  29. Berria. «Berri Txarrak-ek MTVren jaialdian eskainiko duen kontzertuak eztabaida piztu du sare sozialetan» Berria (Noiz kontsultatua: 2019-07-16).
  30. «Berri Txarrak MTVren kontzertuan izatearen alde eta kontra • ZUZEU» ZUZEU 2018-10-23 (Noiz kontsultatua: 2019-07-16).
  31. (Gaztelaniaz) INFO, NAIZ.. (). «Controversia en las redes por la actuación de Berri Txarrak en los conciertos de MTV en San Mamés» naiz: (Noiz kontsultatua: 2019-07-16).
  32. «Piztu Bilbo MTV itzali» Argia (Noiz kontsultatua: 2019-07-16).
  33. Garmendia, Lander Muñagorri. «'Denak ez du balio' MTVn» Berria (Noiz kontsultatua: 2019-07-16).
  34. NAIZ., INFO. (). «Berri Txarrak taldeak geldialdi mugagabea egingo du 2019 urtearen amaieran» naiz: (Noiz kontsultatua: 2019-07-16).
  35. Garate, Miren. «"Etenaldi mugagabea" iragarri du Berri Txarrak taldeak» Berria (Noiz kontsultatua: 2019-07-16).
  36. «Berri Txarrak taldeak "etenaldi mugagabea" iragarri du» Argia (Noiz kontsultatua: 2019-07-16).
  37. «"Itzultzeko aukera irekita uzten dugu"» Argia (Noiz kontsultatua: 2019-07-16).
  38. «Gelditu, aurrera egiteko» www.eitb.eus (Noiz kontsultatua: 2019-07-16).
  39. (Gaztelaniaz) «Berri Txarrak: «Responderemos al tsunami de cariño desde el escenario»» El Diario Vasco 2019-02-14 (Noiz kontsultatua: 2019-07-16).
  40. «Jaio.Berri Txarrak.Hil.Berri Txarrak…» www.eitb.eus (Noiz kontsultatua: 2019-07-16).
  41. «Gorka Urbizu: 'Oroitzapen kolektibo on bat uztea zen gure asmoa'» www.eitb.eus (Noiz kontsultatua: 2019-07-16).
  42. «Berri Txarrak taldearen kontzertu ikusgarria Kobetamendin» www.eitb.eus (Noiz kontsultatua: 2019-07-16).
  43. Etura, Iñaki Lasa. «Ahaztuko ez den gaua» Berria (Noiz kontsultatua: 2019-07-16).

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.