Bermeo Urdaibai Arraun Elkartea

Traineru bermeotar batek 1719an Mundakarekin lehian egindako estropadan Izaro uhartea irabazi zuen. 1880. hamarkadan Bilbo aldean hainbat estropada jokatu zituen, lehenengoa 1882an. Bermeo 1888 eta 1889an nagusitu zen, ur geldietarako espreski egindako traineru bat erabiliz. 1896an Kontxako Banderan hartu zuen parte lehen aldiz, baina ez zuen finala jokatzerik izan. 1897an Bilbon nagusitu zen azken aldiz. 1923an berriz hartu zuen parte Kontxan baina azkenengo postuan gelditu zen. Hurrengo hamarkadetan Bermeoko traineruen berririk ez dago.

Hainbat hamarkadetako hutsunearen ondoren 1975ean Bermeoko Arraun Elkartea sortu zen. Arraunlari faltak beste elkarte batzuekin bat egitera behartu zuten Bermeo, horrela 90. hamarkadan Arkote-Bermeo (1991) eta Lutxana-Bermeo (1996) ezagutu genituen.

1999an elkarte bizkaitarrak gipuzkoarrekin haserretu egin ziren eta beren liga propioa osatu zuten. Orduan erabaki zuten Urdaibai proiektua gauzatu eta hiru elkarteren arteko trainerua ateratzea. Urdaibaik Bizkaitarren Liga eta Bizkaiko Traineru Txapelketa irabazi zituen eta Kontxako Banderan hirugarren gelditu zen. Traineru bizkaitar batek urte askotan lorturiko posturik onena zen.

2000. hamarkadaren amaieran Kaikurekin lehia bizian aritu zen, uretan zein uretatik kanpo. Hamarkada hartan Kontxako bi bandera, lau TKE Liga eta Espainiako bi txapelketa irabazi zituen besteak beste. Azken urteetan Hondarribia izan du arerio nagusi.

2013ko Kontxako Banderan denborarik onena lortu arren Hondarribiarekin palak jo izanagatik kanporatua izan zen. Liga berriz bigarren postuan bukatu zuen. 2014a batel eta trainerilletan bikain hasi zuen, baina traineru denboraldia hastear zela TKEko epaile bakarrak zigorra ezarri dio Jose Manuel Franciscoren inguruko afera zela eta. Zigor ekonomikoaz gain liga 95 puntu negatiboz hasi behar izan zuen, honek estropada askotan lehen txandan aritzea ekarri zion. Liga irabazteari uko egin zion arren talde indartsua duela erakutsi zuen eta Ligako hainbat estropada irabazteaz gain Bizkaiko, Euskadiko eta Espainiako txapelketak eskuratu zituen. Azkenean postuak errekuperatu eta 75 puntu positiborekin (170 - 95) 10. postua lortu eta play-offari ihes egin zion. Denboraldia bikain bukatzeko Kontxako Bandera irabazi zuen, jardunaldi bietan nagusituz eta bi egunetako marka hobetuz.

2015 denboraldian Bizkaiko, Euskadiko eta Espainiako txapelketak irabazi zituen. Ligarren bigarren egin zuen baina denboraldi bikaina burutzeko berriz nagusitu zen Kontxako Banderan. 2016an Liga irabazi zuen, abuztuan erakutsitako maila handiarengatik batik bat eta bosgarrena garaipena izanik La Caixa koroa eskuratu zuen. Kontxako Bandera ere hirugarren aldiz jarraian irabazi zuen.

2017 eta 2018an ere Ligan nagusi izan da baina ez du Kontxako Bandera berririk irabazi. 2017an bigarren egin zuen eta 2018an lehen jardunaldian Zierbenarekin palak jotzearren zigortua izan zen eta guztira denborarik onena egin arren laugarren postuarekin konformatu behar izan zuen. Ligan berriz ere nagusitasun haundiz irabazi zuen. 2019ko denboraldia eskasa izan da ordea. Ligan erdiko txandan aritu da eta Kontxan ere bosgarren postuarekin konformatu behar izan du. Emaitza apalen ondorioz abuztuan entrenatzailea ere kaleratu zuen.

Azken denboraldietan apalago ibili ondoren 2022an fitxaketa berriak egin zituen eta Liga eta Kontxa irabazi zituen. 2023an erraz irabazi ditu Kontxako Bandera eta TKE Liga.

• Txapelduna (7): 2010, 2011, 2014, 2015, 2016, 2022 eta 2023.
• Bigarrena (5): 2002, 2004, 2007, 2012 eta 2017.
• Hirugarrena (2): 1999 eta 2008.
• Sailkapen estropadako irabazlea (5): 2004, 2008, 2015, 2017 eta 2018.
• Sailkatua (20): 1999, 2002, 2004, 2007, 2008, 2009, 2010, 2011, 2012, 2013, 2014, 2015, 2016, 2017, 2018, 2019, 2020, 2021, 2022 eta 2023.

• Txapelduna (9): 2004, 2007, 2008, 2010, 2016, 2017, 2018, 2022 eta 2023
• Bigarrena (3): 2011 eta 2013 eta 2015
• Hirugarrena (2): 2012 eta 2020
• Irabazitako estropadak (2022 barne): 86
• Parte hartzeak (20): 2003, 2004, 2005, 2006, 2007, 2008, 2009, 2010, 2011, 2012, 2013, 2014, 2015, 2016, 2017, 2018, 2019, 2020, 2021, 2022
• Euskal Liga (0): Hirugarren 2002an.
• Traineru bizkaitarren Liga (1): 1999

• Txapelduna (4): 2007, 2014, 2015, 2017.
• Bigarrena (4): 2008, 2011, 2016, 2018.

• Txapelduna (8): 2007, 2008, 2011, 2014, 2015, 2017, 2022 eta 2023.
• Bigarrena (7): 2001, 2002, 2004, 2012, 2013, 2016 eta 2018.

• Txapelduna (14): 1999, 2001, 2002, 2003, 2004, 2007, 2008, 2014, 2015, 2016, 2018, 2019, 2022 eta 2023.

Bermeo izenarekin.

• Espainiako Trainerilla Txapelketa (1): 2014.
• Euskadiko Trainerilla Txapelketa (10): 2000, 2001, 2002, 2004, 2007, 2011, 2014, 2018, 2022, 2023.
• Bizkaiko Trainerilla Txapelketa (16): 1998, 2000, 2002, 2006, 2007, 2008, 2009, 2011, 2013, 2014, 2015, 2017, 2018, 2019, 2022, 2023.

Bermeo izenarekin.

• Espainiako Batel Txapelketa (1): 2015.
• Euskadiko Batel Txapelketa (5): 1981, 2009, 2010, 2011, 2015.
• Bizkaiko Batel Txapelketa (6): 1981, 2000, 2009, 2010, 2013 eta 2014.