Benny & Joon
Benny & Joon (euskaraz Benny eta Joon) 1993ko Jeremiah S. Chechik kanadar zinema zuzendariak zuzendutako amodiozko komedia film bat da. Johnny Depp, Mary Stuart Masterson, Aidan Quinn, Julianne Moore eta Oliver Platt aktoreek antzeztu zuten.
Benny & Joon | |
---|---|
Jatorria | |
Argitaratze-data | 1993 |
Izenburua | Benny & Joon |
Jatorrizko hizkuntza | ingelesa |
Jatorrizko herrialdea | Ameriketako Estatu Batuak |
Banatze bidea | eskatu ahalako bideo |
Ezaugarriak | |
Genero artistikoa | komedia erromantikoa eta film dramatikoa |
Iraupena | 99 minutu |
Kolorea | koloretakoa |
Zuzendaritza eta gidoia | |
Zuzendaria(k) | Jeremiah S. Chechik (en) |
Antzezlea(k) | |
Aidan Quinn Mary Stuart Masterson Johnny Depp Julianne Moore Oliver Platt CCH Pounder Dan Hedaya Joe Grifasi William H. Macy Eileen Ryan | |
Ekoizpena | |
Ekoizlea | Susan Arnold |
Konpainia ekoizlea | Metro-Goldwyn-Mayer |
Edizioa | Carol Littleton (en) |
Bestelako lanak | |
Musikagilea | Rachel Portman |
Argazki-zuzendaria | John Schwartzman |
Film honetan Johnny Deppek antzeztutako pertsonairen hainbat umorezko eszena zinema mutuko Buster Keaton, Charlie Chaplin eta Harold Lloyd aktore klasiko handietan oinarrituak daude. Bestalde, jada Erresuma Batuan eta gainontzeko Europan aski ezaguna zen eta soinu bandan agertzen den The Proclaimers eskoziar musika taldearen I'm Gonna Be (500 Miles) abesti ospetsua AEBetako ikusleen artean ezagutzera eman zuen.
Argumentua
Bere gurasoen heriotzaren ondoren, Joon (Mary Stuart Masterson) neska gazte sentikor eta eztiak, saminaren ondorioz bere onetik atera eta desoreka mentala jasan zuen, horregatik Benny anaiaren (Aidan Quinn) ardurapean eta zaintzapean bizi da. Poker joko txoro bat dela eta, Bennyk Sam (Johnny Depp) mutil gazte bitxi eta bakartia bera eta bere arrebarekin batera bizitzen jartzea onartu beharko du. Samek pantomimarako dohai berezia du. Berehala, Joon eta Sam lagun egin eta elkar maiteminduz amaituko dute.
Aktoreak
- Johnny Depp - Sam
- Mary Stuart Masterson - Juniper "Joon" Pearl
- Aidan Quinn - Benjamin "Benny" Pearl
- Julianne Moore - Ruthie
- Oliver Platt - Eric
- C.C.H. Pounder - Garvey doktorea
- Dan Hedaya - Thomas
- Joe Grifasi - Mike
- William H. Macy - Randy Burch
- Eileen Ryan - Smail andrea
- Liane Alexandra Curtis - Claudia
- Don Hamilton - UPSko gizona
- Waldo Larson - Waldo
Kanpo estekak
- Benny & Joon filmaren iragarkia ikusgai. Youtube.com (Ingelesez)
- Benny & Joon filmaren IMDBko fitxa irakurgai (Ingelesez)