Beita (Nablus)

Beita (arabieraz: بيتا‎) Nablus probintziako herri palestinarra da, Zisjordaniaren iparraldean, Nablusetik 13 kilometro hego-ekialdera. Palestinako Estatistika Bulego Zentralaren arabera, 11.682 biztanle zituen 2017an[1]. Sei meskita[2] eta hiru ospitale daude bertan[3]. Etxe asko erromatar garaikoak dira[4].

Beita
herria
Administrazioa
Occupied territoryZisjordania
Palestina Estatuko lurralde-antolaketaNablusko Gobernazioa
Izen ofizialaبيتا
Geografia
Koordenatuak32°08′37″N 35°17′15″E
Map
Azalera76 km²
Demografia
Informazio gehigarria
Ordu eremuaUTC+02:00 eta UTC+03:00

1967az geroztik, Israelek Zisjordania okupatu zuenean, 77 herritar baino gehiago hil dituzte Israelgo indarrek tiroz, asko protestetan[5].

Geografia

Beita itsas mailatik 572 metroko altueran dago. Urteko batez besteko prezipitazioa 515-564 milimetrokoa da. Urteko batez besteko tenperatura 18 gradukoa da, eta batez besteko hezetasuna %60 ingurukoa[2].

Historia

Bi gune historiko daude Beitan: Beita el-Fauqa ipar-ekialdean eta Beita et-Tahta hego-mendebaldean[6].

Demografia
Urtea Biztanleria
1922 883[7]
1931 1.194[8]
1945 1.580[9]
1961 2.191 (693 Beita et-Tahtan eta 1.498 Beita el-Fauqan)[10]
2007 9,079[11]
2017 11.682[1]

Hainbat familia hedatu (hamule) bizi dira Beitan, besteak beste hauek[2]:

  • Doyakat tribua: Jabali, Abo ‘Amer, Salman, Abo Sheikh, Abo Khalil, Jaber, Sa’ada, ‘Esawi, Abo Hamad eta Qotne familiak
  • Hamayel tribua: Seeam, Hamdan eta Bani Maflah familiak
  • Bani Shamsa tribua: Khader, Daoad, Balut, ‘Adeley, Jaghob, Abo Mazen, Khalil eta Theyab familiak
  • Khabayasa tribua: Farhat, Aqtash eta As’ad familiak
  • Badeer tribua: Issa, Khadeer eta ‘Araj familiak
  • Sharfa familia
  • Ma’ali familia
  • Ma’la familia

Ekonomia

2013ko datuen arabera, hauek ziren herriko ekonomiaren sektoreak[2]:

  • merkataritza (% 30)
  • kudeaketa (% 25)
  • Israelgo lan-merkatua (% 20)
  • industria (% 15)
  • nekazaritza (% 10)

Urte berean, langabezia-tasa % 17 ingurukoa zen[2].

Hezkuntza

Palestinako Estatistika Bulego Zentralaren arabera, 2007an, 10 urtetik gorako biztanleriaren % 94 gutxi gorabehera alfabetatua zen, eta analfabetoen artean, % 79,7 emakumezkoak ziren. 2012an, 34.494 ikasle eta 168 irakasle zeuden herrian[2].

Gaur egun, lehen eta bigarren hezkuntzako bederatzi eskola daude Beitan, zortzi publiko eta pribatu bat. Eskola horietatik hiru mutilenak dira, hiru neskenak eta gainerakoak mistoak. Gainera, badago zazpi haurtzaindegi pribatu[2].

Erlijioa

Sei meskita daude Beitan[2]:

  • Abu Bakr Al-Siddiq meskita
  • Umar ibn Al-Khattab meskita
  • Uthman ibn Affan meskita
  • Ali ibn Abi Talib meskita
  • Umar ibn Abd al-Aziz meskita
  • Ubada ibn as Samit meskita

Erreferentziak
  1. (Ingelesez) Preliminary Results of the Population, Housing and Establishments Census, 2017. Palestinian Central Bureau of Statistics (argitaratze data: 2018), 64-82 or. (Noiz kontsultatua: 2023-11-06).
  2. (Ingelesez) Beita Town Profile (including Za’tara Locality). Jerusalem: The Applied Research Institute (argitaratze data: 2014) (Noiz kontsultatua: 2023-11-21).
  3. (Ingelesez) «Public Foundations» Beita Municipality jatorrizkotik artxibatua (artxibatze data: 2007-10-24) (Noiz kontsultatua: 2023-11-06).
  4. (Ingelesez) «Beita Town» Beita Municipality jatorrizkotik artxibatua (artxibatze data: 2006-03-01) (Noiz kontsultatua: 2023-11-06).
  5. (Ingelesez) Patel, Yumna. «‘Beita is undefeatable’: Inside the struggle to save this Palestinian village from Israeli settlers» Mondoweiss 2021-07-07 (Noiz kontsultatua: 2023-11-06).
  6. (Ingelesez) Finkelstein, Israel; Lederman, Zvi; Bunimovits, Shelomoh, eds. Highlands of many cultures. 1 Tel Aviv: Institute of Archaeology of Tel Aviv University Publications Section (argitaratze data: 1997), 703-704 or. ISBN 965-440-007-3. (Noiz kontsultatua: 2023-11-06).
  7. (Ingelesez) Barron, J.B., ed. «Table IX, Sub-district of Nablus» Palestine: Report and General Abstracts of the Census of 1922. Government of Palestine (argitaratze data: 1923), 25 or. (Noiz kontsultatua: 2023-11-06).
  8. (Ingelesez) Mills, E., ed. Census of Palestine 1931. Population of Villages, Towns and Administrative Areas. Jerusalem: Government of Palestine (argitaratze data: 1932), 60 or. (Noiz kontsultatua: 2023-11-06).
  9. (Ingelesez) «Village statistics - 1945» Government of Palestine, Department of Statistics: 18. 1945 (Noiz kontsultatua: 2023-11-06).
  10. (Ingelesez)(Arabieraz) «Table 1.8 (Con.) Population of localities of 100 to 1,999 persons» Government of Jordan, Department of Statistics: 25. 1964 (Noiz kontsultatua: 2023-11-06).
  11. (Ingelesez)(Arabieraz) «2007 PCBS Census» Palestinian Central Bureau of Statistics: 110. 2010 jatorrizkotik artxibatua (artxibatze data: 2010-12-10) (Noiz kontsultatua: 2023-11-21).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.