Beatrice Borromeo

Beatrice Borromeo Marzoto (San Candido, Italia, 1985eko abuztuaren 18a) italiar modeloa, kazetaria eta Borromeo Etxeko aristokrata da. 2015etik, Monakoko printzerriko egungo errege-etxea den Grimaldi familiako kidea da, Pierre Casiraghirekin, Karolina Monakoko printzesaren hirugarren semearekin, eta Alberto II.a Monakoko subiranoaren ilobarekin emaztea baita. Stéfano Casiraghiren (2017) eta Francesco Casiraghiren (2018) ama da.[1]

 

Beatrice Borromeo

Bizitza
JaiotzaInnichen, 1985eko abuztuaren 18a (38 urte)
Herrialdea Italia
Lehen hizkuntzaitaliera
Familia
AitaCount Carlo Ferdinando Borromeo
AmaCountess Paola Marzotto
Ezkontidea(k)Pierre Casiraghi (en) Itzuli  (2015eko uztailaren 25a -
Seme-alabak
LeinuaHouse of Borromeo (en) Itzuli
Hezkuntza
HeziketaBocconi Unibertsitatea 2010) : nazioarteko zuzenbide, ekonomia
Columbia Unibertsitatea 2012) : kazetaritza
Hizkuntzakitaliera
frantsesa
ingelesa
Jarduerak
Jarduerakmodeloa, kazetaria, telebista aurkezlea, Socialitea eta politikaria
Altuera176 zentimetro
Twitter: BorromeoBea Edit the value on Wikidata

Beatrice kazetari ezaguna da Italiako mafiari buruzko dokumentalengatik eta Il Fatto Quotidiano italiarraren moduko egunkari eta aldizkarietan kolaboratzailea izateagatik.[2]

Biografia

Jaiotza eta familia

Beatrice 1985eko abuztuaren 18an jaio zen, Boltzanoko probintziako San Candido herri italiarrean. Gurasoak Aronako kondea, Carlo Ferdinando Borromeo, (Vitaliano Borromeo kondearen hirugarren semea, Angerako bigarren printzea) eta Paola Marzotto (Marzotto ehun-etxearen familiakoa) dira.[3][4]

Beatrice Borromeo aitaren aldetik, Milan San Carlos Borromeoko kardenal eta artzapezpikuarekin ahaidea da. Haren birraitona-amonak Rinaldo Taverna senatari italiarra eta Lavinia Boncompagni Ludovisi, Piombino printzearen alaba, izan ziren. Amaren aldetik, Gaetano Marzotto kondeen ondorengoa da.[4] Valentino luxuzko arropa-etxearen presidente eta zuzendari exekutiboa izan zen Matteo Marzottoren iloba ere bada.[3]

Beatricek neba bat du, Carlo Borromeo, 2012an Marta Ferri diseinatzaile italiarrarekin ezkondu zena; eta aitaren aldetik ahizpa erdiak ditu, Marion Zota modelo alemanarekin duen harremanaren ondorioz: Isabella Borromeo, Ugo Brachetti Velkantberg petrolio-handiarekin ezkonduta dagoena; Lavinia Peretti, John Elkannekin ezkondua, eta Matilde Borromeo, 2011tik Antonius Von Fürstenberg printzearekin ezkondua.[4][5]

Hezkuntza

Giovanni Berchet Lizeo Klasikoan ikasi zuen 2002an. Bigarren mailako ikasketak institutu publiko batean egin zituen arren, Beatricek bere unibertsitate-karrera bi zentro pribatutan egin zuen.[3] 2010ean zuzenbidean eta ekonomian lizentziatu zen Milango Bocconi Unibertsitatean. 2012an, kazetaritza-masterra egin zuen New Yorkeko Columbiako Unibertsitatean.[2]

Lan ibilbidea

Modelo

Unibertsitateko ikasketak egiten ari zela, Beatricek desfilea egin zuen Chanel, Pronovias eta Roberto Cavalli bezalako marketarako, karrera ordaintzeko asmoz.[6]

Kazetari

2006 eta 2008 bitartean, Rai 2 telebista publiko italiarreko Anno Zero saioan lan egin zuen, eta gogor kritikatu zuen Silvio Berlusconi lehen ministro italiarra.[2] 2009an, Mediaseten Radio 105 Network kateko Jungle Fever asteroko saioa aurkeztu zuen.[7][8]

2009an hasi zen zutabegile lanetan, ildo progresista eta independentea duen Il Fatto Quotidianon egunkari italiarrean,[9] baita Ameriketako Estatu Batuetako Newsweek eta Daily Beast aldizkarietako kolaboratzailea ere.[3] 2013ko urtarrilean ingelesez grabatutako Mamma Mafia dokumentala zuzendu zuen.[7] 2015ean, Lady Ndrangheta dokumentala estreinatu zuen Sky Italia kanalean. Bertan, Italiako mafiako emakumeak erretratatu zituen.[10] Mafiari buruzko erreportajeak egiten aritu den arren (Bambini Mai, Italiako Camorrako haurrei buruzkoa, Mamma Mafia eta Lady Ndrangheta, emakumeei buruzkoa), Beatricek ekonomiari buruz idazten du; batzuetan, aisialdi eta politika atalean ere parte hartzen du, Roberto Saviano, Ingrid Betancourt edo James Ellroy mailako pertsonaiak elkarrizketatuz.[11][12][13]

Ezkontza eta ondorengoak

Ezkongai-harremana

2008an, unibertsitatean ikasten ari zela, Pierre Casiraghi ezagutu zuen, Karolina Monakoko printzesaren eta StefanoCasiraghiren seme gazteena. Ordutik, maitasun-harremana hasi zuten, eta Grimaldi familia biltzen zuten hainbat ekitalditan parte hartzen hasi zen, hala nola, eta Alberto II.a Monakoko eta Charlene (Carlina) Monakokoaren ezkontza. Sei urteko harremanaren ondoren, bikoteak konpromisoa hartu zuen 2014ko abenduan.[14]

Ezkontza

2015eko uztailaren 25ean Beatricek eta Pierrek beren lotura zibila egin zuten Monakoko Errege Jauregian.[15] Izaera intimoko zeremonia Monakoko Justizia ministro zen Philippe Narminok egin zuen, eta emaztegaiak Valentino sinadura italiarraren soineko bat jantzi zuen ospakizun horretan.[16]

Aste bat geroago, abuztuaren 1ean, erlijio-zeremonia egin zen Beatriceren familia jabe den Borromeas uharteetan. Italiar aristokraziaren ordezkariak izan ziren ospakizun horretan, baita Europako errege-erreginak ere, hala nola, Haakon Magnus Norvegiakoa eta Mette-Marit Norvegiakoa edo Lana del Rey kantaria.[17] Ospakizun horretarako, Giorgio Armani italiarraren soinekoa aukeratu zuen Borromeok.[18]

Seme-alabak

2016ko azaroan zurrumurruek zioten Beatrice haurdun zegoela lehen aldiz. Monakoko errege-familian ohitura denez, ez zen haurdunaldiari buruzko jakinarazpen ofizialik egin. Grace Monakoko printzesaren ospitalean jaio zen Stéfano, bikotearen lehen semea.[19]

2018ko urtarrilean, hainbat komunikabidek berriro pentsatu zuten bikotea bigarren semearen zain zegoela.[20] Carolina printzesaren prentsa-bulegoaren jakinarazpen baten bidez jakinarazi zen Beatrizek gizonezko bat erditu zuela, Francesco, 2018ko maiatzaren 21ean.[1]

  • Stéfano Ércole Carlo Casiraghi, 2017ko otsailaren 28an jaioa.
  • Francesco Carlo Albert Casiraghi, 2018ko maiatzaren 21ean jaioa.

Ahaideak

Erreferentziak
  1. Riaño, Raquel. (22 de mayo de 2018). Pierre Casiraghi y Beatrice Borromeo, padres de un niño para el que ya tienen nombre. .
  2. Colom, Maria. (22 de marzo de 2015). Beatrice Borromeo, joven aristócrata y periodista de guerra. .
  3. Olvera, Paula. (3 de agosto de 2015). 18 cosas que no sabías sobre Beatrice Borromeo. .
  4. ¿Quién es quién en la familia de Beatrice Borromeo?. 6 de abril de 2015.
  5. Los Borromeo, la gran familia italiana. 17 de abril de 2015.
  6. Beatrice Borromeo, ¡vestida de novia! en su años como modelo. 1 de abril de 2015.
  7. La carriera di Beatrice Borromeo. 21 de diciembre de 2016.
  8. Bernabé, Mónica. (20 de julio de 2015). Beatrice Borromeo une su estirpe y fortuna a la de Pierre Casiraghi. .
  9. Beatrice Borromeo: «Berlusconi es un inepto que está enfermo de la cabeza». 18 de abril de 2014.
  10. Gómez Fuente, Ángeles. (12 de marzo de 2015). Beatriz Borromeo retrata a las mujeres de la mafia en un aplaudido documental. .
  11. Massaro, Enza Angela. (23 de septiembre de 2017). Bambini Mai, il documentario su Caivano di Beatrice Borromeo. .
  12. Mokrane, Sally. (7 de abril de 2015). Qui est Beatrice Borromeo, la fiancée de Pierre Casiraghi ?. .
  13. Vázquez, Anabel. (24 de julio de 2015). Cómo Beatrice Borromeo se convirtió en la joven más interesante de la aristocracia europea. .
  14. Vogue confirma el compromiso de Pierre Casiraghi y Beatrice Borromeo. 10 de diciembre de 2014.
  15. Pierre Casiraghi y Beatrice Borromeo se casan en Mónaco. 25 de julio de 2015.
  16. Pérez Mulero, Carmen. (27 de julio de 2015). Así fue la boda civil de Beatrice Borromeo y Pierre Casiraghi. .
  17. La boda de Pierre y Beatrice en imágenes. 30 de diciembre de 2015.
  18. Melguizo, Soraya. (1 de agosto de 2015). Boda religiosa de Pierre Casiraghi y Beatrice Borromeo en Italia. .
  19. Calero, Angie. (28 de febrero de 2017). Nace el primer hijo de Beatrice Borromeo y Pierre Casiraghi. .
  20. Pacho, Lorena. (4 de enero de 2018). Beatrice Borromeo y Pierre Casiraghi serán padres por segunda vez. .

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.