Bearsden

Izenaren jatorria ezagutzen ez bada ere, Bearsden izena hartu zuen 1863an eraikitako tren geltokiaren izena hori zelako.

Glasgow Handia metropoli eremuaren ipar-mendebaldeko mugan kokaturik dago, Glasgow erdigunetik 10 kilometrotara.

II mendean, 142 eta 144 artean, erromatarren gotorleku bat izan zen bertan, gaur egun Castle Hill izenaz ezagutzen den tokian, Antoninoren Harresia lur hauetatik pasatzen baitzen. Glasgow eta Lomond aintziraren arteko errepide militar bat ere bertatik pasatzen zen. 164 urtean beranduago erromatarrek atzera egin behar izan zuten Hadrianoren Harresira. Garai hartako aztarnak badaude oraindik, aipagarriena bainuetxe baten oinarria.

Erdi Aroan Kilpatrick izeneko lurralde zabal baten parte izan zen. 1649an bitan banatu zen lurraldea, Old Kilpatrick ("Kilpatrick zaharra") mendebaldeko zatia, gaur egungo Dumbarton eta Clydebank ingurua, eta bestea New Kilpatrick ("Kilpatrick berria"), gaur egungo Bearsdenek baino azalera handiagoa zuena.

1649an bertan eraiki zen New Kilpatrick-eko eliza eta honen inguruan eratuz joan zen herria da Bearsden. Nekazaritzan oinarritzen ziren hainbat etxola ian ziren hasierako Bearsden sortu zutenak eta XIX mendean Glasgowko negoziogizonen bizilekuak eraikitzen hasi ziren. XX mendean suburbioak eratu ziren eta 1958an burgo bihurtu zen. 1996tik aurrera Ekialdeko Dunbartonshire barnean gelditu zen.

• New Kilpatrickeko eliza
• Bainuetxe erromatarraren aztarnak

• 
  New Kilpatrickeko eliza.
• 
  Schaw Convalescent Home.
• 
  Udaletxea.
• 
  Boclair House.
• 
  Bainuetxe erromatarraren aztarnak.
• 
  Antoninoren Harresiaren aztarnak.
• 
  Castle Hill.

• Mark Knopfler (1949- ), Dire Straits taldearen abeslaria, bertako eskolan ikasia da.