Beñat Urretabizkaia

Beñat Urretabizkaia Eizmendi, pilota arloan Urretabizkaia II.a deituraz ezaguna (Ikaztegieta, Gipuzkoa, 1992ko abenduaren 25a) esku huskako pilotari profesionala eta entrenatzailea da. Atzelari aritzen da, Asegarce enpresarekin. Amateurretan aurrelari lanetan ibilbide luzea egin eta gero, 2017ko otsailaren 27an debutatu zuen profesionaletan, dagoeneko 24 urte zituela, jaioterritik hurbil duen Beotibar pilotalekuan; ordurako etsita zegoen zaharregia zela profesionaletara iristeko, 2010eko hamarkadaren zati horretan profesionaletara jauzi egiten ari zirenak 18-20 urte bitartekoak baitziren. Hala ere, Asegarcek atzelari baten beharra zuen, eta, nahiz eta Urretabizkaiak ordu arte aurrelari jokatu izan, atzelari postuan igo zen profesionaletara.[1][2][3]

Urretabizkaia II.a

Urretabizkaia II.a, 2015ean
Izen osoa:Beñat Urretabizkaia Eizmendi
Jaiotza data:1992ko abenduaren 25a (31 urte)
Jaioterria:Ikaztegieta (Gipuzkoa)
Pilotaria
Modalitatea:esku huskako pilota
Egungo enpresa: Asegarce
Postua:atzelaria
Altuera: 1,86 m
Pisua: 88 kg
Debutatze data: 2017ko otsailaren 27a
Debutatze pilotalekua: Beotibar (Tolosa)

Kirol lorpenak
Amateurretan
  • 2017: Binakako Bergara Hiria torneoko txapeldun
  • 2017: Binakako Pablo Elortegi torneoko txapeldun
  • 2016: Binakako Antiguoko torneoko txapeldunorde

Erreferentziak
  1. (Gaztelaniaz) I. G. Vico: «Urretabizkaia II debuta con triunfo junto a Víctor Mano», Deia, 2017-02-28.
  2. (Gaztelaniaz) I. G. Vico: «Beñat Urretabizkaia, zaguero de Asegarce: “Cuando me propusieron ir a entrenar de zaguero dije que no; me dio vergüenza”», Deia, 2017-02-23.
  3. Asier Imaz: «Beñat Urretabizkaia: "Profesionaletara jauzi egiteko zaharregiak gara"», Tolosaldeko Ataria, 2015-09-17.

Kanpo loturak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.