Bazilio Joanategi
Bazilio Joanategi (Isturitze, Nafarroa Beherea, 1837 – Lazkao, Gipuzkoa, 1921) euskal idazlea izan zen.
| Bazilio Joanategi | |
|---|---|
| Bizitza | |
| Jaiotza | Izturitze, 1837 |
| Herrialdea |  Nafarroa Beherea, Euskal Herria |
| Heriotza | Lazkao, 1921 (83/84 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | idazlea |
 | |
Apaiz egin zen 1862an. Saran erretorearen laguntzaile eta Altzain erretore izan zen lehenik eta 1880ean Belokeko monasterio beneditarrean sartu zen. 1903an Combes ministroaren agindupeko erlijio gizonen aurkako esetsaldia zela eta, Lazkaora jo behar izan zuen beste kideekin batera eta han bizi izan zen ondoko urteetan, hil zen arte.
Lanak
Urte luzez, Fedearen Propagacioneco urtecaria edo Fedearen Propagacioneco berriac urteca ematen dituena. Bi ilhabetetaric agertzen dena itzultzen aritu zen. Joanategiren obra nagusia Ehunbat sainduen bicitea (1876) da; lan hori zuzendua eta emendatua eman zuen 1890ean Sainduen bizitzea izenburuarekin. Bertan, egunez egun, kristau egutegiko santu guztien bizitza kontatzen da, baina argitalpen horretan urteko lehen lau hilabeteen bilduma besterik ez zuen egin. Hurrengo bi hilabeteena 1900ean argitaratu zen, Sainduen bizitzea. Bigarren zatia izenburupean. Asmo hori jarraipenik gabe geratu zen. Beraz, urte erdia bakarrik bukatu zuen. Beste izenburu batzuk: Ceruraco biderik errechena (itzulpena, 1877), San Benoaten bicitcea (1877), Bihotz Sacratuaren hilabetheco escu-liburua (1894), Michel Garikoitz (1900) eta Bihotz sakratuaren hilabethea (1912).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo loturak
  Euskal idazleak |
Artikulu hau euskal idazle bati buruzko zirriborroa da. Wikipedia lagun dezakezu edukia osatuz. |
| Autoritate kontrola |
|---|
Datuak: Q12254872