Batzar Islamikoko Erakundea

Batzar Islamikoko Erakundea edo Konferentzia Islamikoa (arabieraz منظمة المؤتمر الإسلامي, ingelesez Organisation of the Islamic Conference, frantsesez Organisation de la Conférence Islamique) nazioarteko erakunde bat da, Nazio Batuen Erakundean ordezkaritza iraunkorra duena. 57 kide estatu ditu, batez ere Ekialde Hurbila, Afrika, Asia Erdialdea, Kaukasoa, Balkanak, Hego-ekialdeko Asia eta Hegoaldeko Asiakoak. Estatu hauek indarrak eta baliabideak batzea aukeratu zuten, esfortzuak bateratu eta ahots batez adierazi estatu horietako biztanleen eta mundu osoko musulmanen ongizatea eta garapena bultzatzeko. Erakundearen hizkuntza ofizialak arabiera, ingelesa eta frantsesa dira.

Batzar Islamikoko Erakundea
Datuak
Izen ofiziala
منظمة التعاون الإسلامي, Organisation of Islamic Cooperation eta Organisation de Coopération Islamique
Izen laburraOCI eta OIC
Motanazioarteko erakundea, gobernu arteko erakundea eta Islamic organization (en) Itzuli
HerrialdeaSaudi Arabia
Eskumendekoak
Statistical, Economic and Social Research and Training Centre for Islamic Countries (en) Itzuli, OIC-StatCom (en) Itzuli, Islamic world Educational, Scientific and Cultural Organization (en) Itzuli eta OIC Council of Foreign Ministers (en) Itzuli
Agintea
LehendakariaHissein Brahim Sem Taha (en) Itzuli
Egoitza nagusi
  • Jidda
  • 21.51006°N 39.18258°E / 21.51006; 39.18258
Historia
Sorrera1969ko irailaren 25a
webgune ofiziala
Twitter: OIC_OCI Edit the value on Wikidata

Historia eta ezaugarriak

1971n sortu zen, musulmanen arteko lankidetza ekonomikoa, politikoa eta soziala sustatzeko, eta Leku Santuak babesteko, palestinar herriari bere lurralde historikoa berreskuratzeko borrokan laguntzeko, kolonialismoaren aurka borrokatzeko, eta islamiar erlijioko herrien arteko batasun eta elkartasuna bultzatzeko. Idazkaritza Nagusia Saudi Arabiako Jeddahn dago. Helburu nagusi hauek dituzte:

  • kide diren herrialdeen artean merkatu librea bideratzeko neurriak hartzea,
  • azpiegiturak sortzea (garraiobideak, erietxeak, eskolak…),
  • munduan zehar banatuta dauden musulman gutxiengoei babesa ematea, eta, oro har,
  • giza eskubideak betetzen direla begiratzea.

Bestalde, Palestinarako bake prozesua aurrera eramateko bitartekotza lan garrantzitsua egin du, eta baita beste herrialde batzuetako (Afganistan, Sudan…) liskarretan ere. Organo nagusia Estatuburuen Konferentzia da. Hiru urtetik behin biltzen da, eta bertan hartutako erabakiak betearaztea Atzerri Ministroen Konferentziaren esku dago. Horiek urtean behin biltzen dira, eta Estatuburuen Konferentzian jorratuko dituzten gaiak prestatzen dituzte. Administrazio lanak Idazkaritza Nagusiaren ardura dira; berak koordinatzen ditu zenbait erakunde espezializaturekiko harremanak, Garapeneko Islamiar Bankuarekikoak edo Garapeneko Islamiar Zentroarekikoak adibidez.

Kideak

Hauek dira 57 kideak:

Begiraleak:

Idazkari orokorrak
  1. Tunku Abdul Rahman (1971-1973) Malaysia
  2. Hassan Touhami (1974-1975) Egipto
  3. Amadou Karim Gaye (1975-1979) Senegal
  4. Habib Chatti (1979-1984) Tunisia
  5. Sharifuddin Pirzada (1985-1988) Pakistan
  6. Hamid Algabid (1989-1994) Nigeria
  7. Azzeddine Laraki (1997-2000) Maroko
  8. Abdelouahed Belkeziz (2001-2004) Maroko
  9. Ekmeleddin Ihsanoglun (2004-2014) Turkia
  10. Iyad bin Amin Madani (2014-) Saudi Arabia

Erreferentziak

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.