Bath Rugby
Bath Rugby Club Ingalaterrako Bath hiriko errugbi talde bat da. Ingalaterrako errugbi txapelketan jokatu ohi du. 1865an sortu zen, hortaz gaur egungo talde zaharrenetako bat da.
| Izen osoa | Bath Rugby Football Club | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Hiria |  Bath, Ingalaterra | ||||||||||||||||||||||||||||||||
| Sorrera | 1865 | ||||||||||||||||||||||||||||||||
| Kirol zelaia | Recreation Ground (Edukiera: 12.300) | ||||||||||||||||||||||||||||||||
| Presidentea | Bruce Craig | ||||||||||||||||||||||||||||||||
| Entrenatzailea | Stuart Hooper | ||||||||||||||||||||||||||||||||
| Liga | Ingalaterrako Liga | ||||||||||||||||||||||||||||||||
| 2022-23 | 8.a | ||||||||||||||||||||||||||||||||
| Webgunea | www.bathrugby.com | ||||||||||||||||||||||||||||||||
| |||||||||||||||||||||||||||||||||
Historia
1865an sortu zuen Lansdown Cricket Clubak neguan jardueraren bat egiteko helburuaz. 1984an lehenengo Anglo-Galestar Kopa irabazi zuen eta 1986an abiatu zen Ingalaterrako ligako lehenengo urteetan talde nagusia izan zen Leicester Tigersekin batera, 90. hamarkadakoak baititu irabazitako sei txapelketak.
1996an Europako txapelketa handi bat sortzearekin batera Ingalaterrako errugbi taldeak profesionalizatu egin ziren, haien artean Bath ere bai. Urte hartan bertan Ingalaterrako liga eta Anglo Galestar Kopa irabazi zituen eta 1998an lortu zuen Europako txapelketa gorena irabaztea, Heineken Kopa.
Hurrengo hamarkadan ez zen puntako taldea izan. 2006an Heineken Kopako finalerdietara iritsi zen baina Biarritz Olympiquek kanporatu zuen 18-9ko emaitzaz. 2008an Europako bigarren txapelketa kontsideratzen dena irabazi zuen, European Challenge Cup. 2015ean Ingalaterrako txapelketako finala jokatu du baina Saracens taldeak 28-16 emaitzaz garaitu du.
Lorpenak
- Europako Txapeldunen Kopa (Heineken Kopa):
- Txapelduna (1): 1998.
- Finalerdiak (1): 2006.
- European Challenge Cup:
- Txapelduna (1): 2008.
- Fibnalista (3): 2003, 2007, 2014.
- Ingalaterrako errugbi txapelketa:
- Txapelduna (6): 1989, 1991, 1992, 1993, 1994, 1996.
- Bigarrena (6): 1995, 1997, 2000, 2001, 2004, 2015.
- Anglo-Galestar Kopa:
- Txapelduna (10): 1984, 1985, 1986, 1987, 1989, 1990, 1992, 1994, 1995, 1996.
- Finalista (1): 2005.
Kanpo estekak
- Bath Rugby Club taldearen webgunea (Ingelesez)
| Autoritate kontrola |
|
|---|
Datuak: Q810786
Multimedia: Bath Rugby / Q810786