Batailoi talde taktiko

Batailoi talde taktiko bat (errusieraz: Батальонная тактическая группа), BTG gisa laburtua, Errusiako Armadaren arma konbinatuek –ezberdinek– osaturiko maniobra-unitatea da, behin-behineko izan arren prestutasun maila altuan mantentzen dena.[1] BTG bat, normalean, 2–4 konpainietako batailoi bat –normalean, mekanizatutako infanteria– osatzen dute; gainera, aire-defentsarako, artilleriazko, ingeniaritzazko eta laguntza logistikozko unitateekin indartuta egon ohi dira. Bestalde, normalean, Tanke-konpainiak eta misil-artilleriak talde horiek indartzen dituzte ere. BTGak 2013–2015 bitartean Errusiaren esku-hartze militarraren ardatza izan ziren Ukrainan; batez ere, Donbaseko Gerraren testuinguruan.[2]^{:9–10 or.}

BTG estandar bat, AEBetako Armor aldizkariaren arabera.

2021eko abuzturako, Errusiak 170 BTG inguru zituen prest;[3] BTG bakoitza, 600-800 ofizial eta soldadurekin.[4] Horietatik guztietatik, 200 inguru infante dira; normalean, 10 tanke eta 40 infanteria borrokatzeko ibilgailuz hornituak.[2]^{:11–13 or.}