Basurtuko Unibertsitate Ospitalea

Basurtuko Unibertsitate Ospitalea Osakidetzaren sareko ospitale bat da, Bilbo udalerriko izen bereko auzoan kokatua eta udalerriko ospitale publiko nagusia dela. Ospitalea Bilbo-Basurtu Erakunde Sanitario Integratuaren parte da.

Basurtuko Unibertsitate Ospitalea
 Eraikitako euskal ondasun nabarmena
Kostaldeko Donejakue bidea Kostaldeko Donejakue bidea
Kokapena
Herrialdea Euskal Herria
Probintzia Bizkaia
HerriaBilbo
Koordenatuak43°15′41″N 2°57′11″W
Map
KudeatzaileaOsakidetza
Arkitektura
ArkitektoaEnrique Epaltza
Ondarea
EJren ondarea154
Kontaktua
HelbideaAvda. de Montevideo Nº 18. (Carretera N-634). 48013 Bilbao eta Av. Montevideo, 18
Telefonoatel:+34-944-00-60-00
Webgune ofiziala

    1908ko azaroaren 13an ireki zen eta gaur egun 683 ohe ditu.[1]

    Historia

    Enrique Epaltza arkitektoak diseinatu zuen eta Bilboko ospitalea hiriaren kanpoaldeko orubeetan eraiki zen, XX. mendearen hasieran. Hiriaren hazkunde handiak eragin zuen ospitalearen eraikuntza, eta honen eraikuntzan pertsona askoren diru-laguntzak oso garrantzitsuak izan ziren, euren artean Jose Maria Gurtubay eta Casilda Iturrizar. Gaur egun, ospitaleko sarreran ospitaleari diruz lagundu zieten pertsonen izen eta abizenak ageri dira.

    Ospitalea eraikitzeko lurrak 475.260 pezetarengatik erosi ziren 1897. urtean. Hiru urte beranduago, 1900ean, eraikitze lanak hasi ziren eta 1908ko azaroaren 13an ospitalea ofizialki inauguratu zuten. Urteak igaro ahala handituz joan da, Revilla pabilioiaren eraikuntzarekin esaterako. Eta hurrengo urteei begira eraikin berri bat eraikiko da Bami Eraikinaren eta Ospitalearen artean.

    Denboran aurrean, 1936ko azaroaren 17an orduko Eusko Jaurlaritzak, Jose Antonio Agirre buru zuelarik, Bilboko erietxean Euskal Herriko lehenengo medikuntza fakultatea ("Osakintza Ikastola") sortu zuten. Hala ere, Espainiako Gerra Zibilak ekimena moztu zuen eta hilabete gutxiko ibilbidea eduki izan zuen.

    2008an Basurtuko sorreraren 100. urteurrena ospatu zuten. Ekitaldien artean, Osasungoa Euskalduntzeko Erakundeak euren 18. Jardunaldiak antolatu zituen Bilbon, "Infekzioak" gaia hartuta.

    Aurrealdea.

    Ospitalearen ezaugarriak
    Airetiko ikuspegia.

    Estilo ingeleseko ospitalea, eta lau solairuetako eraikin desberdinetan banaturik dago, eraikin bakoitza medikuntzako arlo desberdin batetaz arduratzen delarik. Guztira hamazazpi pabilioi daude ospitalean, pabilioietako izenek, ospitalearen eraikuntza ordaintzen lagundu zuten familia burgesen abizenak, eta ospitalean lan egindako medikuen izenak daramatzate.

    Hamazazpi pabilioiak honakoak dira:

    • Administrazio Eraikina
    • Allende
    • Ampuero
    • Anatomia Patologikoa
    • Areilza
    • Aztarain
    • Eskuza
    • Gandarias
    • Gurtubai
    • Iturrizar
    • Jado
    • Kanpo Kontsultak
    • Makua
    • Revilla
    • San Jose
    • San Pelaio
    • San Bizente

    Komunikabideak

    Errepidea

     A-8  autobidearen 118 irteera eta  N-634  errepideak hartuta irits daiteke.

    Trena

    Renfe Feveren C1f (Bilbo-Concordia - Balmaseda-La Calzada), R3b (Bilbo-Concordia - Karrantza), R3 (Bilbo-Concordia - Santander) eta R4 (Bilbo-Concordia - León-Matallana) lineei dagokien Basurto-Ospitalea geltokiak zerbitzu ematen dio ospitaleari.

    Tranbia

    Euskotren Tranbia eragileak ustiatzen duen Bilboko tranbiaren Ospitalea geltokia geltokiaren kanpoaldean dago.

    Autobusa

    Bilbobus zerbitzuaren hurrengo lineak ospitaletik pasatzen dira:

    18  San Ignazio - Zorrotza
    28  Uribarri - Altamira
    38  Otxarkoaga - Termibus
    48  Santutxu - Lezeaga
    57  Miribilla - Ospitalea
    58  Mintegitxueta - Atxuri
    85  Zazpilanda - Atxuri
    88  Kastrexana - Indautxu
    G6  Zorrotza - Plaza Biribila

    Bizkaibus zerbitzuaren hurrengo lineak ospitaletik pasatzen dira:

    A3115 Bilbo - Santurtzi
    A3122 Bilbo - Barakaldo - Sestao - Errepelega
    A3136 Bilbo - Barakaldo - Santurtzi
    A3144 Bilbo - Gurutzeta - Barakaldo (Ugartetik)
    A3336 Muskiz - Bilbo (Ortuellatik)
    A3337 Muskiz - Bilbo (N-634tik)
    A3341 Bilbo - Sodupe - Arrespalditza
    A3342 Bilbo - Sodupe - Artziniega
    A3343 Bilbo - Sodupe

    Erreferentziak
    1. Osakidetza, Basurtuko Unibertsitate Ospitalea. (). Zerbitzu-zorroa. (Noiz kontsultatua: 2017-10-01).

    Ikus, gainera

    Kanpo estekak
    Euskarazko Wikipedian bada atari bat, gai hau duena:
    Bilbo
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.