Basofilo

Basofiloa globulu zuri mota bat da, granulozitoen taldekoa. Odoleko milimetro kubiko batean 200 basofilo inguru daude, eta leukozito guztien % 0,5-1,5 izan ohi dira.[1] Nukleo polilobulatua dute, eta zitoplasma pikorrez betea; pikor horien edukia azidoa baita, morez tindatzen dira hematoxilina bezalako koloratzaile basiko bat erabiltzen bada.[2] Paul Ehrlich alemaniar sendagileak aurkitu zituen 1879an.[3]

Basofilo
Xehetasunak
Identifikadoreak
MeSHA11.627.340.120, A15.145.229.637.415.120 eta A15.382.490.315.120 A11.118.637.415.120, A11.627.340.120, A15.145.229.637.415.120 eta A15.382.490.315.120
THH2.00.04.1.02022
FMA62862
Terminologia anatomikoa

Gainontzeko granulozitoak bezala, hezur-muineko zelula ametatik sortzen dira, eta handik odolera igarotzen. Zitoplasmako pikorretan oso gai azidoak dituzte: histamina hodi dilatatzailea, proteoglikanoak (heparina antikoagulatzailea, kondroitina) eta entzima proteolitikoak. Odolean sei ordu inguru iraun dezakete, eta handik ehunetara migratzen dute beharrezkoak baldin badira. Zelula mintzean E Igren hartzaileak daude; immunoglobulina hori parasitoen aurkako defentsarekin eta alergia prozesuekin loturik dago. Basofiloa aktibatzen delarik, pikorren edukia isurtzen da gai arrotzaren aurka.[1][2] Ikerketa batzuen arabera, T linfozitoen jokabidea ere erregulatzen ahal dute.[4]

Basofilia da odoleko granulozito basofiloen kopurua handitzea (200 basofilo baino gehiago milimetro kubiko batean), eta basopenia haien kopurua murriztea.

Erreferentziak
  1. Olivares, María José. Odola, linfa-sistema eta immunitate-sistema. Lanbide ekimena, klasikoa.eimakatalogoa.eus (Noiz kontsultatua: 2020-6-18).
  2. Altuna, Jon. Immunologia: Zelulak eta organoak. UPV-EHU, studocu.com (Noiz kontsultatua: 2020-6-20).
  3. Siracusa, Mark C., Kim, Brian S., Spergel, Jonathan M., Artis, David. Basophils and Allergic Inflammation. Journal of Allergy and Clinical Immunology, 2013 Oct;132(4):789-801; doi: 10.1016/j.jaci.2013.07.046., pubmed.ncbi.nlm.nih.gov (Noiz kontsultatua: 2020-6-23).
  4. Nakanishi, Kenji. Basophils as APC in Th2 Response in Allergic Inflammation and Parasite Infection. Current Opinion in Immunology, 2010 Dec; 22(6):814-820. doi: 10.1016/j.coi.2010.10.018., pubmed.ncbi.nlm.nih.gov (Noiz kontsultatua: 2020-6-22).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.