Baso-eguerdilili

Baso-eguerdililia edo baso-anemona (Anemone nemorosa) Anemone generoko landare loreduna da, Europan jatorria duena. Eguerdilili hau toxikoa da eta herri sendagintzan aprobetxatu dute.

Baso-eguerdilili
Sailkapen zientifikoa
ErreinuaPlantae
OrdenaRanunculales
FamiliaRanunculaceae
GeneroaAnemone
Espeziea Anemone nemorosa
Baso-eguerdililiak errizoma bidez asko hedatzen dira eta baso baten azpialde guztia har dezakete.

Deskribapena

Landare bizikor belarkara da. Errizoma bidez zabaltzen da eta baldintza egokiak direnean baso azpiko zoruaren zati handi bat hartzen du. Errizoma horretatik 5-15 cmko altuera hartzen duten zurtoinak ateratzen ditu. Hostoak palmatuak dira, zurtoinaren erdialdean hazten dira eta hirutan zatiturik daude. Zati bakoitzak aldi berean hiru lobulu ditu[1].

Lore zuri biziak ditu, 2 cm-ko diametroa dutenak, eta bost zazpi petalo izaten dituzte. Ez dute usainik eta nektarra ere gutxi dute, ugaltzeko intsektuen behar handirik ez baitute. Udaberrian izaten da loraldia[2].

Fruitua akenio bat da.

Habitata

Baso itzaltsuetan aurkitzen da. Zabalkunde geldoa duenez basoen adina zehazteko indikatzaile gisa erabili izan da.

Erabilera

Izatez toxikoa da. Anemonina eta protoanemonina printzipio aktiboak ditu eta sendabelar gisa erabili izan da, azaleko eritasunak, bakterio infekzioak, eztula eta erreuma tratatzeko.

Iruditegia
  • Landarea.
    Landarea.
  • Lorea.
    Lorea.
  • Hostoak.
    Hostoak.
  • Fruitua.
    Fruitua.

Erreferentziak
  1. Stace, C. A.. (2010). New Flora of the British Isles (3. edizioa). Cambridge, U.K.: Cambridge University Press, 88 or. ISBN 978-0-521-70772-5..
  2. Clapham AR, Tutin TG, Warburg EF. (1981). Excursion Flora of the British Isles (3. edizioa). Cambridge University Press ISBN 0-521-23290-2..

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.