Barbara Shelley

Barbara Shelley, jaiotza-izenez Barbara T. Kowin (Marylebone, Londres, 1932ko otsailaren 13a - Londres, 2021eko urtarrilaren 3a), ingeles antzezlea izan zen.[1] 2000. urtera arte iraun zuen aktore ibilbidean, 100 film eta telesail baino gehiagotan lan egin zuen baina, ororen gainetik, beldurrezko zineman nabarmendu zen.[2] Bera izan zen Hammer ekoiztetxearen izar handienetako bat, eta erreferentziazko aktore da generoaren jarratzaileentzat.[1]

Barbara Shelley

Bizitza
JaiotzaMarylebone, 1932ko otsailaren 13a
Herrialdea Erresuma Batua
HeriotzaLondres, 2021eko urtarrilaren 3a (88 urte)
Heriotza modua: COVID-19a
Hezkuntza
Hizkuntzakingelesa
Jarduerak
Jardueraktelebista-aktorea eta zinema aktorea
IMDB: nm0791176 Allocine: 6431 Rottentomatoes: celebrity/barbara_shelley Allmovie: p65105 TV.com: people/barbara-shelley Edit the value on Wikidata

Bizitza

Barbara Shelley Londresen jaio zen 1932ko otsailaren 13an. 1953an estreinatu zen zineman, Mantrap filmarekin, Terence Fisherren aginduetara eta Hammer ekoiztetxearen barruan. Artean zinema ekoiztetxea hasi gabe zegoen beldurrezko zinemaren ikonoak berrikusten, baina ordurako ari zen bilakatzen Erresuma Batuko zinema popularraren iturri nagusia. Italian produkzio batzuetan parte hartu ostean, Ingalaterrara itzuli, eta telebistarako lanean hastearekin batera, hainbat filmetan ere hartu zuen parte. The Camp on Blood Island (1958), Blood of the Vampire (1958), Village of the Damned (1960) eta Shadow of the Cat (1961) izan ziren ospea eman zioten lanetako batzuk.[1]

1964an Terence Fisherrekin lan egin zuen The Gorgon-en. Ordurako Hammer ekoiztetxearen zuzendari inportanteena zen Fisher, eta The Gorgon-ez gain, Drakula kondearen itzuleran ere lan egin zuen Shelleyk harekin, Dracula: Prince of Darkness-en (1965). Hammer etxearentzat beste hainbat filmetan ere hartu zuen parte urte haietan, hala nola, Rasputin, The Mad Monk-en (1966) eta Quatermass and The Pit-en (1967). 1970eko hamarkadatik aurrera, telebistan hartu zuen aterpe, eta 1980ko hamarkada amaitu arte segitu zuen lanean.[1]

2021eko urtarrilaren 3an hil zen, Londresen, COVID-19aren ondorioz; 88 urte zituen.[2]

Filmografia hautatua

Zinema
  • Supreme Confession (1956)
  • Nero's Mistress (1956)
  • Cat Girl (1957)
  • The Vampire (1957)
  • The Camp on Blood Island (1958)
  • Blood of the Vampire (1958)
  • Murder at Site 3 (1958)
  • The End of the Line (1958)
  • Bobbikins (1959)
  • Village of the Damned (1960)
  • A Story of David (1961)
  • Shadow of the Cat (1961)
  • Postman's Knock (1962)
  • Blind Corner (1963)
  • Stranglehold (1963)
  • The Secret of Blood Island (1964)
  • The Gorgon (1964)
  • Death Trap (1966)
  • Dracula: Prince of Darkness (1966)
  • Rasputin, the Mad Monk (1966)
  • Quatermass and the Pit (1967)
  • The Spy Killer (1969)
  • Ghost Story (1974)
  • The Comedy of Errors (1978)
  • The Dark Angel (1991)

Telebista
  • The Borgias (1981)
  • Maigret (1988)

Erreferentziak
  1. Lizarralde, Mikel. (2021-01-04). Barbara Shelley beldurrezko zinemaren sinboloa zendu da. (Noiz kontsultatua: 2021-01-05).
  2. (Ingelesez) Ritman, Alex. (2021-01-04). «Barbara Shelley, British Horror Film Icon and "Queen of Hammer," Dies at 88» The Hollywood Reporter (Noiz kontsultatua: 2021-01-05).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.