Bake lerroak

Bake lerroak edota Bake harresiak (ingelesez peace lines edota peace walls) Ipar Irlandako hainbat hiritako auzoetan Ipar Irlandako gatazkan irlandar nazionalistak eta unionistak elkarrengandik bereizteko eraiki ziren segurtasun-lerroak dira.

Belfasteko Springmartin Road auzoko bake lerroaren aireko ikuspegia (5,5 km da); amaieran polizia-etxe bat du.

Gehienak Belfast hirian egon arren, Derry, Portadown eta Lurgan udalerrietako auzuneetan ere eraiki ziren.

Bake lerro batzuk ehunka metro luze dira eta beste batzuek 5 kilometro luzera dute. Burdina, adreilu, hormigoi edota altzairuzkoak dira, eta gutxi gorabehera 7,6 metroko garaiera dute. Batzuetan lerro horien bi aldeak elkar komunikatzen dituzten ateak dituzte, eta egunez irekita eta gauez itxita egoten dira.

Iruditegia
  • Belfasteko Cupar Way eremuko bake lerroa protestanteen aldetik ikusia.
    Belfasteko Cupar Way eremuko bake lerroa protestanteen aldetik ikusia.
  • Belfast Mendebaldeko bake lerroaren ateak eta horma-irudiak.
    Belfast Mendebaldeko bake lerroaren ateak eta horma-irudiak.

Ikus gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.