Baionatik Bilbora

Baionatik Bilbora Imanol Larzabal musikariak 1986an sortutako abestia da, Mea kulparik ez albumean argitaratu zuen, Koldo Izagirreren hitzekin eta Elkar ekoiztetxearekin.[1][2]

Baionatik Bilbora
Imanol Larzabalen musika-lana
Egilea(k)Imanol Larzabal
Argitaratze-data1986
IzenburuaBaionatik Bilbora
Ezaugarriak
Hizkuntzaeuskara
HitzakKoldo Izagirre
Bestelako lanak
MusikagileaImanol Larzabal
Ewan MacColl

Disko berean agertu ziren beste hamabi kanta, batzuk oso ezagun bihurtu ziren, Oroimeneko portua, Nire euskaltasuna edo Sehaska kanta, adibidez.[1]

Bertsioak
  • Lehen bertsioa goian aipatu dena da.[1]
  • 2020an beste bertsio bat argitaratu zuen Michel Etcheverryk Gure lurra diskoan ageriko zena.[3]

Hitzak

Abestiaren hitzak Baionatik Bilbora doan Euskal Herriaz eta itsasoaz ari dira.[1][4]

Hitzak (Koldo Izagirre)
Badu nora heldu,

ez du zeri heldu,

itsaso hutsa da

nire herria.


Baionatik Bilbora

itsaso errea,

putzu honek

ez du itoko

gure haserrea.


Baionatik Bilbora

itsaso petrala,

aspaldi esan zidaten

besterik ez zala.


Baionatik Bilbora

itsaso pobrea,

non du aurkitu behar

Euskadik hobea.


Baionatik Bilbora

itsaso aingura,

nadila zure albora

oraindik ingura.


Baionatik Bilbora

itsaso zakarra,

baldin baneki nora

kamino bakarra.


Baionatik Bilbora

itsaso euskara,

umorea badaukagu ta

galduak ez gara.


Baionatik Bilbora

itsaso nafarra,

datorkigula burutik behera

amets honen afarra.


Baionatik Bilbora

hartzen du ekaitzak,

arrokak ongi dakizki

txaluparen gaitzak.


Baionatik Bilbora

itsaso gorria,

Baionatik Bilbora

gure memoria.


Bilbotik Baionara

aluba itsasoa,

igeri ez dakiena

hondoraino doa.

Erreferentziak
  1. «Baionatik Bilbora» www.badok.eus (Noiz kontsultatua: 2022-12-19).
  2. «Baionatik Bilbora» www.kantuan.eus (Kantuan.eus) (Noiz kontsultatua: 2022-12-19).
  3. Etcheverry, Mitchel. (2020). «Gure lurra» www.badok.eus (Noiz kontsultatua: 2022-12-19).
  4. Gabi de la Maza. Baionatik Bilbora (Imanol Larzabal). Gabi de la Maza - Youtube (Noiz kontsultatua: 2022-12-19).

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.