Badaiotz Sokatira Taldea

Badaiotz sokatira Kirol Elkartea 1981. urtean sortu zen Gasteizen, eta 1991n nesken taldea sortu zen. Hasieratik nesken taldea Euskal Herriko indartsuenetakoa izan da.

Denboraldian zehar Abetxukuko frontoian entrenatzen dute.

Lehenengo urrezko domina Abadiñon lortu zuten, Euskadiko txapelketan. Ordutik aurrera Euskal Herrian nagusi izan da.

Nazioarteko mailan ere, lortu ditu urrezko dominak, goma gaineko munduko txapelketan.

Taiwanen, bere inguruan baino ezagunagoak dira. Hemen, Abetxukuko frontoiko korridore txiki batean entrenatzen dute, eta, horregatik, alokairua ordaindu behar dute, lagun taldeek bezala, astean hirutan. Dirulaguntzek, urtero ekitaldietako domina-uzta baten ondoren, euren poltsikoetatik dirua jarri behar izan dute, lan eginez, eta nazioarteko hitzorduen amaieran itzuli behar dituzten ekipazio batzuekin.

2018ko Munduko Txapelketa Xuzhoun (Txina) izan zen, Europatik kanpo, lehen aldiz.

Klub gisa, 2018ra arte ez zuten euren palmareserako zazpigarren mundiala lortu, baina aurreko bostei beste azpitxapeldun postua gehitu zioten. Ez zuten zorterik izan 540 kg-ko kategorian, finalerdian penalizazioengatik deskalifikatu baitzituzten. Munduko Txapelketarako txartela irabazi zuten joan den 2018ko urtarrilaren 27an Euskal Herriko txapela eskuratuta.

Mundu mailan erreferente badira ere, oraindik Euskal Herrian ezezagunak dira.

• Munduko Sokatira Txapelketa, goma gainekoa:
  • 520 kg: 2002, 2004
  • 500 kg: 2012
  • 480 kg: 2002, 2004, 2008

• Euskal Herriko Sokatira Txapelketa:
  • 540 kg: 2010, 2012
  • 520 kg: 2001, 2002, 2003, 2004, 2005, 2008, 2009, 2011
  • 500 kg: 2010, 2012
  • 480 kg: 2002, 2003, 2004, 2005, 2006, 2008, 2009
  • 260 kg: 2002, 2003, 2004, 2005, 2006
  • 250 kg: 2008, 2009
  • 240 kg: 2002, 2003, 2004, 2005, 2006

Badaiotzeko sokatiralariak Step Back to Glory filmean (2013, Taiwan) agertu ziren Euskal Herriko selekzioa ordezkatzen. Horretarako Taiwan bertara joan ziren tirakadak grabatzera[1][2].