Babcock & Wilcox galdara

Babcock & Wilcox galdara lurrun-makina bat mugitzeko behar den lurruna sortzeko erabiltzen den galdara mota bat da. Tutu anitzeko edo akuotubular motako galdara da, eta lurruna sortzeko erabiltzen den ura etxe barruko hodi-sistema baten barrutik zirkulatzen du.[1]

Babcock & Wilcox galdara
Galdara

Babcock & Wilcox enpresa multinazional estatubatuarrak hainbat galdara eta energia elektrikoa sortzeko ekipo diseinatu eta ekoiztu ditu, gutxi okertutako tutuak nahiz bertikalak,[2] lurrunezko eta dieselezko lokomotorrez gain, baita zentral nuklearrak ere. Hego Euskal Herrian zuen filiala, Sociedad Española de Construcciones Babcock y Wilcox izenekoa, 1918ko martxoaren 1ean sortu zuen.[3] Lantegi nagusiak Sestaoko Galindoko ibarrean jarri zituzten eta taldea "La Balco" izenez ezaguna izan da.[4] Galindoko Babcock & Wilcox fabrika multzoak, Trapagaranen lurrak ere okupatu zituen. Gainera, enpresak burdin meatzeak eta 6000 kW-ko zentral termikoa izan zituen Galdamesen.[3]

Sestaoko lantegia itxi ondoren, Babcock & Wilcox Española S.A. (The Babcock & Wilcox Company enpresaren filiala, %100ean) zentral termiko eta ziklo konbinatuko zentral elektriko eraikitzeaz arduratzen zen.[5]

Erreferentziak
  1. Nogués y Gerrero, Jesús. (1926). Elementos de máquinas y calderas. (2. argitaraldia) Bilbo: Casa Dochao, 45 or..
  2. Ramírez Vázquez, José. (1986). Centrales eléctricas. (6. argitaraldia) Bartzelona: CEAC S.A., 305-316 or. ISBN 84-329-6006-3..
  3. BABCOCK & WILCOX Auñamendi Entziklopedia
  4. (Gaztelaniaz) «Los 250 de 'la Balco» Noticias de Gipuzkoa 2011/04/03.
  5. «La Comisión aprueba la mayor parte de las ayudas a Babcock Wilcox Española S.A.» Revista de Derecho vLex 2001eko uztaila.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.