B eremua (Zisjordania)

B eremua ( hebreeraz: B שטח‎ ) Osloko Akordioek definitutako lurralde eremua da, Israelek Palestinako Aginte Nazionalaren kontrol zibilaren esku utzitako lurraldea deskribatzen eta aipatzen duena, baina estatu israeldarrak merkataritza eta pertsonen mugimendua kontrolatzen duena. [1]

B eremua (Zisjordania)
Motalurraldeko administrazio-erakunde eta occupied territory (en) Itzuli
Geografia
Map
Koordenatuak31°36′42″N 35°02′45″E
UTC orduaUTC+02:00 eta UTC+03:00
Honen parte daZisjordaniako eremuak Osloko Akordioen arabera
Palestinar enklabeak
Occupied territoryZisjordania

Eremuaren antolaketa

B eremuak lurralde sakabanatu eta etanak dira (ikus mapan alde gorri ilunak), Palestinar Enklabeetako artxipelago modukoaren parte handi bat, eta Zisjordaniaren % 22 inguru hartzen du Osloko Akordioetan ezarritako lehen fasearen arabera. A eremua, hauxe delarik Palestinar Enklabeen muina, Zisjordaniako lurren %18 da. Israelen mendeko kontrol osoko C eremua Zisjordaniako lurraldearen %61 da gutxi gorabehera,

Eremu honek 440 herri palestinar eta haien inguruak hartzen ditu gutxi gorabehera, eta ez dago Israelgo asentamendu judurik. [2] Palestinako Aginte Nazionalak arabiar bizilagunen gaineko eskumen politikoa, administratiboa eta poliziala du, baina Israelgo poliziak eta militarrek soilik egin ditzakete atxiloketak B eremua osatzen duten lurraldeetan [2]

Arabiar bizilagunak Palestinako Aginte Nazionalaren legeen menpe daude, kuotak eta zergak ordaintzen dizkiote eta A Eremuko palestinarrei eskaintzen dizkien zerbitzu publiko berberez baliatzen dira. [2]

A eta B eremuetako palestinarrek garapenerako, eraikuntzarako eta nekazaritzarako beharrezkoak diren lurren premia larria dute. Palestinako komunitate askorentzat erabilgarri izan daitekeen lur bakarra C eremuan dago eta Israelek arabiar egoiliarrei ezarritako murrizketa gogorrak garapen eta bizitza arrunterako traba latza dira. [3]

Erreferentziak
  • Artikulu hau, osorik edo zatiren batean, errumanierazko wikipediako «Zona B (Cisiordania)» artikulutik itzulia izan da, 2019-07-19 data duen 12974988 bertsioa oinarritzat hartuta. Sartze-datarik ez duten erreferentziak, edo 2019-07-19 baino lehenago datatuak, jatorrizko artikulutik ekarri dira itzulpenarekin batera.
  1. Palestine Introduction. Parlamentul European.
  2. Knowing your ABC: A primer to understand the different areas of Judea and Samaria. Jerusalem Post.
  3. Planning Policy in the West Bank. B'Tselem.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.