BAP!!

BAP!! (Babarruna ta aza popularra!!) 1984. urtean Andoainen (Gipuzkoa) sortutako euskal musika taldea da. Taldea 1996an desegin zen.[1]

BAP!!
Datuak
JatorriaAndoain (Gipuzkoa)
Musika motaHardcore punk
Urteak1984 - 1996
Produkzioa
Diskoetxea(k)Basati Diskak
Esan Ozenki
Taldekideak
Eneko Abrego
Jomes
Drake
Mikel Abrego (1989-1996)
Lehengo taldekideak
Txampi (1984-1989)
Andreu
Informazio gehigarria
Badok: bap Musicbrainz: de30bb14-8175-42af-bb98-cd6bd92dbda9 Songkick: 120690 Discogs: 1077581 Musikasten: bap Edit the value on Wikidata

Taldekideak
  • Eneko Abrego (Abeslaria)
  • Drake (Baxua eta gitarra)
  • Jomes (Gitarra)
  • Andreu (Baxua)
  • Txanpi (Bateria)
  • Mikel Abrego (Bateria)

Historia

Andoainen (Gipuzkoa, Euskal Herria) sortu zen 1984an. Eneko Abregok, Andreuk, Drakek eta Txanpik musika taldea sortu zuten, instrumentuak jotzen abilidade gutxi zutela. Euskal Herrian, Hardcore punk-a lantzen hasi zen lehen taldeetako bat izan zen BAP!!. Bad Brains taldearen influentzia izan zuten beren ibilbidean.

1986an, lehen maketa grabatu zuten, Babarruna ta Aza Popularra!! izenekoa. Maketa hori kontzertuetan saltzen hasi ziren. Haren ondoren, lehen lau abesti ofizialak grabatu zituzten Condenados a luchar (Discos Suicidas) diskorako. Disko horretan, Zer bizio, Porkeria T, Ultimatum, M.C.D. eta Danba taldeek ere parte hartu zuten.

1988an, lehen diskoa kaleratu zuten (Bidehuts eta Etxehuts) Basati Diskak-en laguntzarekin. Diskoa grabatu ostean, Txanpik eta Andreuk taldea utzi eta beraien ordez Mikel Abrego (Enekoren anaia) eta Jomes sartu ziren. Honek, taldekideek elkarren artean instrumentuak aldatzea ekarri zuen. Drake, gitarra jotzetik, baxura pasako zen eta Jomes berriz, gitarra doinuez arduratuko zen. Formazio berriarekin, Zuria beltzez diskoa kaleratu zuten. Disko hori inflexio puntua izan zen taldearentzat, abestien soinua eta erritmoak nabarmen aldatu baitziren.

Taldearen hirugarren lana 1994an kaleratu zen, Lehertzeko garaia izenarekin. Diskoetxez aldatu zuten eta Esan Ozenki diskoetxeak kaleratu zuen. Kritiko askoren ustez, BAP!!-en diskorik onena da, bai letra aldetik eta baita doinu eta erritmo aldetik ere, musikariek gero eta hobeto jotzen baitzuten.

1996an, taldea desegin zen, bere ibilbidea laburbiltzen duen ...ta bestela ondo? bideoarekin. Bertan, bideoklipak, elkarrizketak eta zuzeneko kontzertuen irudiak azaltzen dira. Taldearen azken kontzertua Andoaingo Gaztetxe zaharrean izan zen. BAP!!-eko kideak beti egon ziren gaztetxe horri lotuak. Kontzertu hura CD eta DVD formatuetan kaleratu zuen Metakek.

Gaur egun, BAP!!-eko kideek Anari edo Inoren Ero Ni taldeetan jarraitzen dute jotzen.[2]

Diskografia

Diskoak
  • Babarruna ta Aza Popularra (Autoekoizpena, 1986). Cassettean editaturiko maketa. BAZEN DVD-an remasterizatua azaltzen dena.
  • Bidehuts eta Etxehuts (Basati diskak, 1988). LP formatuan.
  • Zuria Beltzez (Basati Diskak, 1992). LP eta CD formatuan.
  • Lehertzeko Garaia (Esan Ozenki, 1994). LP eta CD formatuan.
  • Bazen (Metak, 2003) CD DVD-arekin. DVDan, Andoaingo Gaztetxeko azken kontzertua ageri da. Honez gain ...ta bestela ondo? VHS-a eta Bapman izeneko Batmaen parodia bat (Esan Ozenkiren Hitz Egin bideoan azaltzen dena).

Zuria beltzez eta Bidehuts eta Etxehuts diskoak, Esan Ozenkik berrargitaratu zituen CD formatoan (1996.

Split-ak
  • Condenados a luchar (Discos Suicidas, 1986). Disko errekopilatorioa. Bertan lau abesti editatu zituzten: Plastikozko janariak, Tortura NO, Euskal Polizia eta Palabras de engaño.

Bildumetako partehartzeak

Bideoak
  • ...Ta Bestela Ondo? (Esan Ozenki, 1996). VHS.
  • Bazen (Metak, 2003) CD DVD-arekin. DVDan, Andoaingo Gaztetxeko azken kontzertua ageri da. Honez gain ...ta bestela ondo? VHS-a eta Bapman izeneko Batmaen parodia bat (Esan Ozenkiren Hitz Egin bideoan azaltzen dena).

Erreferentziak
  1. Bap!!. (Noiz kontsultatua: 2017-03-23).
  2. Inoren Ero Ni. (Noiz kontsultatua: 2017-03-23).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.