Avogadroren konstantea

Avogadroren konstantea (sinboloa: N_A edo L) lagin baten gauzaki elementalen kopurua eta substantzia-kantitatearen arteko proportzionaltasun faktorea da. Bere definizio zehatza da:[1]

N_A = 6,02214076×10²³ mol⁻¹

SI sistemaren unitatea alderantzizko mola (mol⁻¹) da. Konstantearen zenbakizko balioari Avogadroren zenbakia deritzo.[1]

Avogadroren zenbakia = 6,02214076×10²³

Amedeo Avogadro zientzialari italiarraren ohorez deitzen da horrela, bere balioa kalkulatu ez zuen arren. Balio hau asmatu zen kalkulu kimikoak errazteko, mol baten masak gramotan eta gauzaki elemental baten masak masa atomikoaren unitateetan (u) balio bera izan zezan. Adibidez, ur molekula baten batezbesteko masa 18,015 u denez, mol baten (6,02214076×10^²³ molekularen) masa 18,015 g izango da:

Ura (5 zifra esanguratsura biribildua)
Substantzia-kantitatea		Masa
mol	molekulak	u	g
1,6605×10^⁻²⁴	1	18,015	2,9915×10^⁻²³
1,0000	6,0221×10^²³	1,0849×10^²⁵	18,015

Milimetro kubiko bat oso txikia den arren, 6,022 × 10²³ milimetro kubikok 84 kilometroko aldeak dituen kubo bat osatuko lukete.

Balio zehatz bezala birdefinitu zen arte 2019an, Avogadroren konstantea karbono-12aren 12 g-tan dagoen neurtutako atomo kopurua zen: 6,02214199(47)×10^²³ mol⁻¹. Neurketa zenez ziurgabetasun bat zuen, parentesi artean adierazita, baina oraingo definizio zehatzak ez du ziurgabetasunik. Hau da, dozena bat zerbaiten zehazki 12 unitate diren bezala, mol bat zerbaiten zehazki 6,02214076×10^²³ unitate dira.

Ikus, gainera

Avogadroren legea

Erreferentziak

(Ingelesez) Avogadro constant. IUPAC Goldbook.

Kanpo estekak

Datuak: Q6203
Multimedia: Avogadro's number / Q6203

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[:0-1] (Ingelesez) Avogadro constant. IUPAC Goldbook.