Auzolan (alderdia)

Auzolan 1980ko hamarkadako euskal alderdi politiko troskista izan zen.

Auzolan
Sorrera1983ko martxoaren 26a1
Desegitea1986ko maiatzaren 30a2
EremuaHego Euskal Herria
Ideologia politikoaEzkertiarra, komunista, trotskista, abertzalea
1Sortzaileak: Liga Komunista Iraultzailea, Langile Abertzale Iraultzaileen Alderdia eta Nueva Izquierda.
2 Nafarroan Batzarre izenarekin jarraitu zuen.

Historia

Auzolan 1983ko martxoaren 26an Liga Komunista Iraultzailea (LKI), Langile Abertzale Iraultzaileen Alderdia (LAIA) eta Nueva Izquierda (Euskadiko Ezkerraren nafar zatiketa) alderdien arteko sortutako koalizioa izan zen, Euskadiko Mugimendu Komunistaren (EMK) laguntza zuena.

1983ko Nafarroako Parlamenturako hauteskundetan lehendabizikoz parte hartu eta 8.356 boto lortu zituen (%3,46a). Ez zuen eserlekurik lortu.

1984ko Eusko Legebiltzarrerako hauteskundetan Araban Iñaki Pérez Beotegi, Wilson, ETAren buruzagi ohia eta 1977ko amnistia aprobetxatu zuena, Gipuzkoan Iñaki Albistur eta Bizkaian Periko Ibarra izan zituen zerrendaburuak. Hala ere, 10.462 boto (%0,98a) baino ez zituen lortu.

1986ko maiatzaren 30ean banatu eta Nafarroako kideek Batzarre sortu zuten.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.