Aurkibide

Aurkibidea testu mota bat da, batzuetan dokumentu luze baten hasiera aldean, aurrealdean eta beste batzuetan atzealdean, non dokumentu luzearen edukien zerrenda agertzen den.

Eskuinean, Agustin Kardaberazen Aita San Ignacioren egercicioen gañean liburuaren aurkibidea, "Meditacioen arquibidea" izenburuapean. 1765.

Aurkibidea liburu edo dokumentu luze baten atalen zerrenda antolatua da, eta bertan dokumentuaren zatien izenburuak agertzen dira, geroago, atal bezala, agertuko diren hurrenkera berean.

Liburuetan, aurkibidea liburuen atalen zerrenda ordenatua izaten da, eta atal bakoitza zein orrialdetan hasten den zehaztu ohi da.

Aurkibide motak

Aurkibide onomastiko

Zenbait liburutan aipatzen diren pertsona izenen zerrenda alfabetikoak agertzen dira. Horrela, erabiltzaileak zuzenean bila dezake liburuan aipatzen den pertsona edo leku izen bat eta aurkibide onomastikoan topatuko du pertsona edo leku hori zein orrialdetan aipatzen diren.

Gaikako aurkibidea

Testuan aurkeztutako gaien eta azpigaien zerrenda ordenatua, ordena alfabetikoan. Eskuarki, testu zientifiko-teknikoetan edo zientziaren dibulgazio testu luzeetan erabiltzen da. Gai nagusi batzuen izenaren ondoren, orrialde-zenbakiak agertzen dira. Aurkibide Analitikoa edo Materien araberako aurkibidea ere esaten zaio

Terminologia-aurkibidea

Terminoen aurkibidea, hiztegi-aurkibidea, lexiko-aurkibidea. Aurkibide mota hauek ere, eskuarki, testu zientifiko-teknikoetan edo zientziaren dibulgazio testu luzeetan erabiltzen da. Termino esanguratsuenen zerrendak agertuko dira ordena alfabetikoan eta ondoan hitz horiek zein orrialdetan topa daitezkeen zehartuko da.

Mapen aurkibidea

Zenbait liburu eta dokumentutan, historia liburuetan, atlasetan-eta, mapek garrantzi handia dute eta mapen aurkibideak agertu ohi dira.

Irudien aurkibidea

Zenbait liburutan irudien aurkibideak beharrezkotzat jotzen dira, beraz margolanen erreprodukzioak eta irarlan edo grabatuen aurkibideak agertuko dira.

ISO estandarra

(Ingelesez), (Frantsesez) ISO 999:1996 - Information and documentation — Guidelines for the content, organization and presentation of indexes.

ISO 999:1996 nazioarteko estandarrak proposatzen du aurkibideak egiteko estandar bat. Liburu, aldizkari, txosten, patente-dokumentu eta bestelako dokumentu idatzietan, baita inprimatu gabeko materialetan ere eredu batzuk ezartzeko proposamena, hala nola dokumentu elektronikoei, filmei, soinu- eta bideo-grabazioei, edukiei, eta abar. Estandar honek edukien antolaketa eta aurkezpenerako jarraibideak ematen ditu.

Bibliografía

(Gaztelaniaz) Martínez de Sousa, José. Diccionario de edición, tipografía y artes gráficas. Gijón: Trea, 2001. ISBN 84-95178-96-6
(Gaztelaniaz) Dahl, Svend. Historia del libro. Madrid: Alianza, 1982. (Alianza Universidad; 336) ISBN 84-206-2336-9.

Datuak: Q1456936
Multimedia: Tables of contents / Q1456936

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.