August Kühn

August Kühn, jaiotza-izenez Rainer Zwing (Munich, Alemania, 1936ko irailaren 25a - Unterwössen, Alemania, 1996ko otsailaren 9a) alemaniar idazlea izan zen.

August Kühn

Bizitza
JaiotzaMunich, 1936ko irailaren 25a
Herrialdea Alemania
HeriotzaUnterwössen, 1996ko otsailaren 9a (59 urte)
Hezkuntza
Hizkuntzakalemana
Jarduerak
Jarduerakhistorialari militarra eta idazlea
Lantokia(k)Munich
Jasotako sariak
Sinesmenak eta ideologia
Alderdi politikoa German Communist Party (en) Itzuli

Biografia

Oinarrizko ikasketak bukatuta, leiarrak egiten lan egin zuen, kazetari gisa gero, eta denda batean, enplegatu gisa, ondoren.

Westend Geschichte (1972, "Westendeko historia") argitaratu ondoren, dena utzita, literaturan murgildu zen buru-belarri. Bere lehen obraren izenburuak gainerako produkzio osoa ezaugarritzen zuen nolabait: bere inguruneak markatutako literatura, eduki kritikoz beteaz, langileriari buruzko historiez eta aipamenez josia. Bigarren eleberriak, Zeit zum Aufstehn (1975, "Jaikitzeko ordua"), sekulako arrakasta izan zuen. Liburuak Municheko langile-familia bateko bizitza deskribatzen zuen, lau belaunalditan. Hurrengoak, Die Vorstadt (1981, "Aldiriak"), Municheko auzo bateko eskulangile-familiaren historia kontatzen zuen, Erdi Arotik hasita. Liburu hori ez zen soilik pertsonaia batzuen historia, historia-, geografia- eta kultura-koadro bat da, orobat. Bere beste eleberri ezagunenetako bat da Jahrgang 22 (1977, "22ko promozioa'") eleberri pikareskoa, konnotazio politiko arinez zipriztindua. Beste lan batzuk: Münchner Geschichten (1977, "Municheko historiak"), Fritz Wachsmuths Wunderjahre (1978, "Fritz Wachsmuthsen mirarizko urteak"), Wir kehren langsam zur Natur zurück (1984, "Pixkanaka izadira itzuliko gara") eta Meine Mutter 1907 (1986, "Nire ama 1907an").

Erreferentziak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.