Atzeko ate

Atzeko atea (ingelesez: backdoor) programa edo sistema baten edozein ahulgune da, zeinaren bidez baimenik gabeko pertsona batek haren segurtasun-murrizketak eta -neurriak saihestu ditzakeen eta hara sartzeko aukera izan dezakeen. Aplikazio baten hasierako diseinuan aurreikusitako mekanismo bat izan daiteke, haren mantentze-lanak egiteko pentsatua dagoena, edo aplikazioaren diseinatzaileek aurreikusi gabeko ahultasun ezezagun bat izan daiteke. Kasu batean zein bestean, hirugarren pertsonek aurkitutakoan legez kontrako helburuetarako erabil daitezke.[1]

Horiz markatua: administradore baten atzeko ateko pasahitza kodean ezkutatuta.

Atzeko ate ezagunak

Atzeko aterik ezagunenak Back Orifice[2] eta NetBus[3] dira, atzeko lehen ateetako bi, gaur egun ere indarrean daudenak, baina kopuru txikiagoan, antibirus gehienek detektatzen baitituzte. Oso ezaguna den beste bat SubSeven da, munduan milioika ordenagailutan ere sartu zena.

Netcat hackingerako eta sareak administratzeko tresnetako bat da, atzeko ateak irekitzeko eta horietatik babesteko erabil daitekeena.[4] Hasiera batean Unix sistemetarako garatu bazen ere, gaur egun Microsoft Windowserako ere eskuragarri dago.[5]

Erreferentziak
  1. Euskalterm: [SPRI. Industria Berriaren Hiztegia] [2020]
  2. (Ingelesez) Richtel, Matt. (1998-8-4). «Hacker Group Says Program Can Exploit Microsoft Security Hole» The New York Times.
  3. (Suedieraz) «Offer för porrkupp» Expressen 2004-11-28.
  4. (Ingelesez) Vacca, John R.. (2006). Guide to Wireless Network Security. Springer Publishing, 266 or. ISBN 978-0387954257..
  5. GNU Netcat (Ingelesez)

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.