Atxuri (Bilbo)
Atxuri Bilboko auzoa da. Bilboko Ibaiondo barrutian kokaturik dago, 5.104 biztanle dauzka eta 17,79 hektareako azalera. Auzoa San Anton elizaren inguruan hedatzen da, Zazpikaleen ondoan. Bilboko auzorik zaharrenetarikoa da, eta Enkarnazioaren eliza ere bertan dago. Euskotrenen Donostia eta Durangorako trenaren hasiera Atxurin dago, Manuel Maria Smithek diseinaturiko geltokian.
- Artikulu hau Bilboko auzoari buruzkoa da; beste esanahietarako, ikus «Atxuri».
| Atxuri | |
|---|---|
 Euskal Herria | |
 | |
 | |
| Kokapena | |
| Herrialdea |  Bizkaia |
| Udalerria | Bilbo |
| Administrazioa | |
| Posta kodea | |
| Auzotarra | atxuritar |
| Geografia | |
| Koordenatuak | 43°15′13″N 2°55′17″W |
| Azalera | 0,18 km² |
| Garaiera | 17 |
| Demografia | |
| Dentsitatea | Adierazpen errorea: puntuazio karaktere ezezaguna "," bizt/km² |
Historia
Auzoaren Atxuri izena, haitz zuritik dator. Auzoa XVII. mendetik aurrera garatu zen Zazpikaleetatik kanpora Bilboko San Frantzisko eta Bilbo Zaharra bezalako auzoak bezala. Ordurarte Atxurin nekazarien baserri eta etxe bakanduak baino ez zeuden. XVIII. mendean hiriaren ospital berria Atxurin zabaldu zen, lehen aldiz gaixoak zeukaten gaixotasunaren arabera banatuz. 1908an behin ospitale berria Basurtun eraiki zela, ospitalearen eraikina ofizioen eskola bihurtu zen eta gaur egun Emilio Campuzano institutua da.
Auzoko beste eraikin garrantzitsu bat Atxuriko geltokiarena da. Manuel Maria Smith arkitekto getxoztarrak diseinatu zuen XX. mendearen hasieran. Donostia eta Bermeoko Euskotren konpainiako trenbideen abiapuntuko geltokia da. Horrez gain, Euskal Trenbide Sarea enpresa publikoaren egoitza bertan dago. 2007tik aurrera eraikitzen hasiko den "Metroaren Hirugarren Linea"ren proiektuarekin, Euskotreneko trenak geltokira ailegatzeari utziko diote, eta beste erabilpen bat bilatu beharko zaio geltokiari.
Ondarea
- Atxuriko geltokia (1912)
- Emilio Campuzano institutua (1835)
- García Rivero Maisua ikastetxea (1928)
Garraio publikoa
Autobusa
Bilbobuseko hamaika lineek egiten dute Atxuritik zehar doan ibilbidea. Bederatzi mota normaleko autobusak, mikrobus linea bat, eta gautxori bat.
| Línea | Ibilbidea | Maiztasuna (min) |
|---|---|---|
| 11 | Deustu - Atxuri | 30´ |
| 22 | Sarrikue - Atxuri | 15´ (12´ 12:30etatik 15:00etara) |
| 40 | Santutxu - Plaza Biribila | 12' |
| 50 | Buia - Plaza Biribila | 60' |
| 56 | Abusu - Jesusen Bihotza | 10´ |
| 58 | Mintegitxueta - Atxuri | 15´ |
| 75 | San Adrian - Atxuri | 15´ |
| 77 | Peñascal - Larreagaburu | 12´ |
| 85 | Zazpi Landa - Atxuri | 20´ |
| A2 | Solokoetxe - Plaza Biribila | 30´ |
| G7 | Larreagaburu - Plaza Biribila | 60´ |
Trena
EuskoTrenen Ermua, Bermeo eta Donostiararteko trenbidearen hasierako geltokia Atxuriko geltokian dago. Geltokia eta trenbideez gain, bezeroentzako harrera zerbitzua eta EuskoTren bulegoak daude, Manuel Maria Smith arkitektoak diseinaturiko eraikin honetan.
Dena den, Bilboko metroaren hirugarren linearen eraikitzearekin batera, Etxebarri eta Atxuri artean trenbideak egiten duen ibilbidea Bilbo ipar-ekialdeko auzoetan zehar desbideratuko da, eta trenbidearen tokia EuskoTranen Bilboko linearen luzapen bat bilakatuko da.
Iruditegia
Kale garrantzitsuenak
 |
Euskarazko Wikipedian bada atari bat, gai hau duena: Bilbo |
- Enkarnazio Plaza
- Atxuri Kalea.
