Atxega jauregia

Atxega jauregia Gipuzkoako Usurbil udalerrian dagoen jauregi bat da. Atxega leinu zaharraren jaunarena. Usurbilen dauden obra zibil historikoetan nabarmenena, Saroe jauregiarekin batera, biak ere Gipuzkoako kultura ondasunak izendatuak daude. Gaur egun Atxega hotela da.

Atxega jauregia
Kultura ondasuna
Atxega jauregiaren aurrealdea.
Irudi gehiago
Kokapena
Herrialdea Euskal Herria
Probintzia Gipuzkoa
UdalerriaUsurbil
Koordenatuak43°16′16″N 2°03′15″W
Map
Historia eta erabilera
IrekieraXVII. mendea
Arkitektura
EstiloaArkitektura barrokoa
Ondarea
BICRI-51-0001573
24

    Aitzezarra kalean dago, herrigunetik kanpo baina alboan, N-634 errepidea eta Usurbilgo industrialdearen artean eta Usurbilgo geltokitik hurbil.

    Historia

    Jatorrizko dorretxea XV. mendean aipatzen da, Henrike IV.a Gaztelakoaren aginduz eraitsi egin zuten, Ahaide Nagusien beste dorretxe guztiekin batera. Ez dakigu zehatz noiz eraiki zuten Atxega Jauregia, gaur egungo eraikina XVIII. mendean barroko estiloan berreraiki zen.

    Oria ibaiaren alde batean, ibaia eta Usurbilen arteko etxe bakarra izan da Atxega jauregia, urte luzez. XX. mendean beheraldi baten ondoren baserri bihurtu, ondoren borda moduan ibili eta azkenik abandonatua izan arte.

    1964an monumentu historiko izendatu zuten. Azken urteetan berritu eta hotela eta jatetxea jarri dituzte bertan.

    Eraikina

    Eraikuntza bakarra da. Oinplano laukizuzena du, lau isuriko teilatua eta hiru pisukoa da. Harriz egindakoa da: harlangaitzezko paretek harlanduak eta izkinarriak dituzte.

    Bereziki aurrealdea aipagarria da: aldetan bi eskailera eta armarri dotorea baititu.

    Gaur egun

    Azken berrikuntzarekin batera, etxe zaharrari beste eraikuntza zati bat eta igogailua erantsi zaizkio.

    Ikus gainera
    • Gipuzkoako kultura ondasunak


    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.