Asisko Urmeneta

Asisko Urmeneta Otsoa Errarteko (Iruñea, Nafarroa, 1965 -) nafar irudigilea eta komikilaria da. Komikia, ilustrazioa, marrazki bizidunak, prentsako karikatura eta abarretatik ateratzen du bizimodua.[1] Umorea izan ohi dute ardatz bere lanek. Miguel Javier Urmeneta Iruñeko alkatearen semea, Ramon Urmeneta arkitektoa eta artistaren iloba eta Mikel Urmeneta marrazkilariaren anaia da. Egun Hoztan (Nafarroa Beherea) bizi da.[2][3]

Asisko Urmeneta
Ahotsa
Bizitza
JaiotzaIruñea, 1965 (58/59 urte)
Herrialdea Nafarroa Garaia, Euskal Herria
Familia
AitaMiguel Javier Urmeneta
Anai-arrebak
Hezkuntza
Hizkuntzakeuskara
gaztelania
Jarduerak
Jarduerakumorista grafikoa, idazlea, film-zuzendaria eta gidoilaria
Lan nabarmenak
Jasotako sariak
KidetzaEtxepare Euskal Institutua
IMDB: nm3903987 Edit the value on Wikidata

Ibilbidea

Bere lehen pausoak komikilari gisa, Napartheid fanzinean eman zuen 80ko hamarkadan. Horren ondoren, hainbat prentsa kolaborazio egin ditu (batez ere, Argian), Zazpiak Batman kolektiboko kidea da (Kike Amonarriz eta Antton Olariagarekin batera Mantxut liburuak atera ditu),[2] H28 aldizkari satirikoan parte hartu zuen eta Xabiroi Ikastolen Elkarteko aldizkarian ere marrazten du. Bere kaxa hainbat komiki argitaratu ditu.

Besteak beste, Oskorri, Pottoka eta Negu Gorriak taldeen disken azalak marraztu ditu.[2]

Horrez gain, ETB1 telebista-kateko Mihiluze saioan egon zen karikaturak egiten. Juanjo Elordirekin batera 2009an Munduaren bira 80 egunetan, doan eta 2011n Gartxot, konkista aitzineko konkista filmak zuzendu zituen.

2017 eta 2018an hurrenez hurren bi komiki sortu zituen Asisko Urmenetak: Eusklabo Alaiak (Gure Berriak, 2017)[4] eta AztiHitza: Xahoren Biografikoa (Erroa argitaletxea, 2018).[5] Azken lan honi esker, Urmenetak 2019an Literatura Lanaren Ilustrazioa modalitateko Euskadi Literatura Saria irabazi zuen.[6]

Lanak

Beste askoren artean:

Erreferentziak
  1. «Asisko Urmeneta» Jakin (Noiz kontsultatua: 2018-01-05).
  2. «Asisko Urmeneta Otsoa» Euskomedia (Noiz kontsultatua: 2017-03-24).
  3. (Gaztelaniaz) «Asisko Urmeneta» EKE (Noiz kontsultatua: 2020-03-27).
  4. Bedi, Hala. (2018-11-26). «"Ez dugu botererik, Espainiak eta Frantziak kudeatzen dute gure irla"» Argia (Noiz kontsultatua: 2020-03-27).
  5. Urria, 2; Ilustrazioa, 2019; Sariak, Lehiaketak /; Orokorra. «Asisko Urmeneta irabazle Euskadi Literatura Sarietan, ilustrazio alorrean.» euskalirudigileak.com (Noiz kontsultatua: 2020-03-27).
  6. «Irati Elorrieta, Patxi Zubizarreta eta Asisko Urmeneta dira aurtengo Euskadi Literatura Sarietako lehenengo hiru irabazleak» www.euskadi.eus 2019-10-02 (Noiz kontsultatua: 2020-03-27).
  7. «Asisko Urmenetak Agosti Xahori buruzko liburu BioGrafikoa aurkeztu du • ZUZEU» ZUZEU (+ audioa) 2018-11-22 (Noiz kontsultatua: 2019-01-14).
  8. «Aztihitza - komikipedia» www.komikipedia.eus (Noiz kontsultatua: 2024-02-02).
  9. Geu Elkartea: Sugarren mende. (Noiz kontsultatua: 2021-06-10).
  10. Sugarren mende – Asisko Urmeneta | Erroa. 2020-11-23 (Noiz kontsultatua: 2021-06-10).
  11. Basolatik berri onik ez – Asisko Urmeneta eta Joseba Larratxe | Xabiroi. 2020-10-01 (Noiz kontsultatua: 2021-11-08).
  12. www.funtsak.com, Funtsak-Diseño y Programación Web-. «Amaiur! - Asisko Urmeneta Otsoa» www.txalaparta.eus (Noiz kontsultatua: 2023-02-21).

Ikus, gainera
Asisko Urmeneta Durangoko Azokan 2017. urtean.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.