Artiodaktilo

Artiodaktiloak (artiodactyla, greziarretik, αρτιος: bikoiti eta ´δακτυλος: behatz) ungulatu ordena bat da zeinetan behatzak bikoitiak diren. Horietatik gutxienez bik kontaktua dute lurrarekin eta simetrikoak dira. Bigarren eta bosgarren behatzarenak aztarren soil geraturik izaten dituzte, eta lehenengo behatza askotan egon ere ez dago. Lepauztairik ez dute izaten, eta haginetako esmaltea ildokatua izaten dute. Ohituretan badute antza, eta landarejale soilak dira ia denak. Ordena honetako familia askotako animaliek adarrak izaten dituzte. Neurri guztietako artiodaktiloak daude. Lurbira osoan daude zabalduta, Australian eta Zeelanda Berrian izan ezik, haietan gizonak eraman dituen artiodaktiloak besterik ez baitaude. Gizakiarentzat interes berezia dute, etxeko ugaztun gehienak artiodaktiloen ordenakoak baitira (ardiak, ahuntzak, txerriak, etab.) Hiru subordenetan banatzen dira: suiformeak, hausnarkariak eta tilopodoak.

Artiodaktilo
Jirafa baten oina Irudi gehiago
Sailkapen zientifikoa
Erreinua	Animalia
Azpierreinua	Eumetazoa
Filuma	Chordata
Klasea	Mammalia
Superordena	Laurasiatheria
Ordena	Artiodactyla Owen, 1848
Familiak
Suina subordena Suidae Hipopotamidoak Taiasuidoak Tylopoda subordena Kamelidoak Ruminantia Tragulidae Moschidae Cervidae Giraffidae Antilokaprido Bovidae