Arthur Ashe

Arthur Ashe
	; Irudi gehiago
Bizitza
Jaiotza	Richmond, 1943ko uztailaren 10a
Herrialdea	Ameriketako Estatu Batuak
Talde etnikoa	afro-amerikarra
Heriotza	New York, 1993ko otsailaren 6a (49 urte)
Hobiratze lekua	Woodland Cemetery (en)
Heriotza modua	berezko heriotza: HIESarekin loturiko gaixotasuna; pneumonia
Familia
Ezkontidea(k)	Jeanne Moutoussamy-Ashe (en) ; Jeanne Moutoussamy-Ashe (en) (1977ko otsailaren 20a -
Hezkuntza
Heziketa	Kaliforniako Unibertsitatea Los Angelesen ; Sumner High School (en)
Hizkuntzak	ingelesa
Jarduerak
Jarduerak	tenislaria, ofizierra eta idazlea
Tenis
Jokaera	eskuina
Bakarka i/g	699–228
Binaka i/g	315–173
Rankinga	2 tennis singles (en) (1976ko maiatzaren 12a)
Pisua	73 kilogramo
Altuera	185 zentimetro
Lan nabarmenak	ikusi Days of Grace: a memoir (en) ;
Jasotako sariak	ikusi Askatasunaren Domina Presidentziala ; International Tennis Hall of Fame ; Maxwell Finland Award (1993) ; Phoenix Award (1993) ; ATP Tour Awards (1975) ; BBC World Sport Star of the Year (1975) ; Virginia Sports Hall of Fame and Museum (1979) ; ATP Tour Awards (1977) ; ATP Tour Awards (1979) ; hall of fame inductee : Intercollegiate Tennis Association (en) (1983) ; International Tennis Hall of Fame (1985) ; Sports Emmy Award (1986) ; Jefferson Awards for Public Service (1993) ; ATP Tour Awards (1993) ;
Kidetza	Kappa Alpha Psi (en)
	cmgww.com…

Arthur Robert Ashe (Richmond, Virginia, AEB, 1943 – New York, AEB, 1993) estatubatuar tenislaria izan zen.

Biografia

Estatu Batuetako taldearekin Davis Kopa jokatu (1963), eta munduko goreneko mailetara iritsi zen lehen tenislari beltza izan zen. Hala ere, hasieran zailtasun asko izan zuen, Estatu Batuetako tenis-klub askotan debekaturik baitzegoen beltzak sartzea. Bere trebetasunari esker, ordea, oztopoak gainditu, eta 1962an lehen tituluak lortu zituen.

Amateur gisa, National Collegiate Athletic Associationen txapelketa (1965), lur gaineko txapelketa nazionala (1967) eta teniseko Irekia irabazi zituen, besteak beste, Estatu Batuetan.

1969an profesionalizatu egin zen, eta laster iritsi ziren txapelketa nagusietako (Grand Slameko) lehen garaipenak. Beste askoren artean, Australiako Irekia irabazi zuen 1970ean, hurrengo urtean Roland Garroseko bikotekakoa, Marty Riessenekin batera, 1975ean Wimbledongoa, Jimmy Connors gainditu ondoren, eta 1977an, berriz ere, Australiakoa, baina oraingoan bikotekakoa Tony Rocherekin.

1976an bigarren posturaino iritsi zen, mundu mailako sailkapenean. 1979an bihotzeko ebakuntza bat egin zioten, eta hurrengo urtean utzi egin zion tenisean jokatzeari. Gero, gizarte-obrak bultzatzeaz gain, Estatu Batuetako taldearen kapitain ere izan zen Davis Kopan, 1981etik 1985era bitartean. 1983an bihotzeko beste ebakuntza bat egin zioten, eta HIESa eragiten duen birusaz kutsatu zuten. Harrezkero, heriotza eragingo zion gaixotasuna zuela aitortu, eta HIESaren aurkako borroka bultzatzeko eta seropositiboen onarpenerako kanpainetan parte hartu zuen.

Wikimedia Commonsen badira fitxategi gehiago, gai hau dutenak: Arthur Ashe

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q53325
Multimedia: Arthur Ashe / Q53325

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.