Arrosario

Arrosario (latinezko rosarium «arrosondo» hitzetik eratorria) edo agurtza[1] katolikoek Jesukristo eta bere Amari eskaintzen dioten otoitz sorta da. Otoitz sorta kontatzeko erabiltzen den alez egindako objektua ere bada. Arrosarioan Jesukristo eta Ama Birjinaren hamabost gertakari edo misterio gogoratzen dira, bakoitzaren ondorenean Gure Aita bat, hamar Agur Maria eta aintza bat errezatzen direlarik. Gehienetan hamabost misterioak hiru bostekotan banatzen dira, hiru txandatan errezatzeko[2].

Zurezko bihiak dituen arrosarioa.

Otoitza egiteko erabiltzen den bihi-sortak "arrosario" ere izena du. Hamarrena bihi bihi handi bat dago eta muturrean gurutze bat dakar.

Beste erlijioetan jadanik erabili arren (hinduistek japa mala otoitzeko eta musulmanek tasbih erabiltzen dute) kristauek 800. urte inguru erabili zuten lehendabizikoz. XIII. mendean dominikarrek ezagutarazi eta, laster, kristauen otoitz nagusienetariko bat bilakatu zen.

Erreferentziak
  1. «agurtza» Euskaltzaindiaren Hiztegia (Noiz kontsultatua: 2021-05-21).
  2. Harluxet Hiztegi Entziklopedikoa. Arrosario. .

Ikus, gainera

Kanpo-estekak
Erlijio Artikulu hau erlijioari buruzko zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.