Donostia Arraun Lagunak

C.R.O. Donostia Arraun Lagunak Donostiako arraun-talde bat da, Donostia Arraun Batzordea eta C.R.O. Arraun Lagunak elkarteak 1995an elkartzerakoan sortua. Tostako arrauna eta arraunketa olinpikoa lantzen ditu.

Traineruari dagokionez, 2007an Donostiako traineru bateratua, Donostiarra, eratzeko hitzarmenaren partaide izan zen, 2017an Kaiarriba Arraun Elkarteak informatu zuen 2012tik hitzarmena bukatuta zela.

Gizonezkoen traineruak

C.R.O. Arraun Lagunak
C.R.O. Arraun Lagunak
Sorrera1965-1995
HerriaEuskal Herria Donostia, Gipuzkoa
LehendakariaEuskal Herria Josetxo Fdez. Bakeriza
EntrenatzaileaGustavo Canal, Ion Berregi, Xabi Aguirre, Eugenio, Xabi Fernandez
Patroia(k)Euskal Herria Asier Lopez
Kolorea(k)               zuria, urdina eta gorria
Trainerua     Lugañene
Palmaresa0 Kontxako Bandera
0 Euskal Liga
1 Espainiako Txapelketa
1 Euskadiko Txapelketa

1965ean sorturiko elkartea da. Hasieran aulki mugikorrean jarduten baziren ere, 1970eko hamarkadan trainerua lehen aldiz urteraratu zuten, eta 1971an lehen aldiz parte hartu zuten Kontxako Banderan. Garairik onena 1990eko hamarkadaren hasieran izan zuen. 1991n bost bandera irabaziz eta Kontxan hirugarren geldituz hasi zuen bolada onak 1992an izan zuen jarraipena, Euskadiko eta Espainiako Txapelketak irabazi eta Kontxan berriz ere hirugarren gelditu baitzen.

Arraunlari garrantzitsuenen artean, azpimarratzekoak dira Munduko Txapelketa lortu zuten Eulogio Genova eta Benito Elizalde.

Txapelketak

Banderak

Donostiako Arraun Batzordea
Sakontzeko, irakurri: «Donostia Arraun Batzordea»

Donostia Arraun Batzordea (arraun munduan Donostia izen hutsez ezagutua), Donostian 1968an sorturiko arraun kluba izan zen. Donostiako arraunean Esperanzak eta Jaizkibelek betetako garaia amaitzean sortu zen, Donostiako trainerua osatzeko ardura hartuz bere gain. 1995ean desagertu zen: hurrengo denboraldirako Arraun Lagunak taldearekin batu egin zen, eta, ondorioz, Donostia Arraun Lagunak sortu zen.

Donostia Arraun Lagunak
C.R.O. Donostia Arraun Lagunak
Sorrera1995
HerriaEuskal Herria Donostia, Gipuzkoa
LehendakariaEuskal Herria Jose Ramon Gomez Esnal
Kolorea(k)          zuria eta urdina
Trainerua     Lugañene
Palmaresa0 Kontxako Bandera
0 TKE Liga
0 Espainiako Txapelketa
0 Euskadiko Txapelketa
2023: Kontxaez
2022: Ligaez

1995ean sortu zen, Donostia Arraun Batzordea eta C.R.O. Arraun Lagunak elkarteak batu ondoren.

1997tik aurrera donostiarren arteko sailkapen estropada irabazi eta Kontxako Banderan hartu zuen parte hainbat urtez, nahiz eta ez zuen lortu aparteko emaitza onik. Seigarrena izan zen 1998 eta 1999an, eta beste guztietan zortzigarrena.

2002an Irungo Santiagotarrak Kirol Elkartearekin batera osatu zuen trainerua.

Emakumezkoen trainerua
Arraun Lagunak
EntrenatzaileaEuskal Herria Juan Mari Etxabe
Patroia(k)Euskal Herria Andrea Astudillo
Euskal Herria Maialen Muguruza
Kolorea(k)          zuria eta urdina
Trainerua          Lugañene
Palmaresa2 Kontxako Bandera
2 Euskotren Liga
2 Euskadiko Txapelketa
1 Gipuzkoako Txapelketa
0 Gipuzkoako Liga
2023: Kontxa1.a
20231.a (Euskotren Liga)
Arraun Lagunak, 2018an.

Emakumeekin, tostako ontzi txikietan aurrekari batzuk izan zituen batel eta trainerilletan hainbat urtez.

Hala ere, urte batzuk geroago osatu zuten emakumezkoen trainerua lehen aldiz, 2015ean hain zuzen, klubaren 50. urteurrena ospatzen zen urtean. Klub donostiarrek emakumezkoen traineruekin izandako bigarren ekimena izan zen, Ur-Kirolakek 2009an uretaratutako lehen traineruaren ondoren.

Lehen denboraldi horretan (2015an), Donostiarra traineru bateratuaren hitzarmenak eratutako egituraren pean kokatu zen nolabait (50 Aniversario Arraun - Donostiarra izendapena izan zuen), nahiz eta egitura osoa berez Arraun Lagunakena bakarrik zen; alabaina, 2016an ez zen inolako akordiorik lortu Donostiarrarekin, eta klubak bere ekimen bakarrez eta bereiz uretaratu zuen trainerua, Arraun Lagunak - Donostiako berdintasuna izenarekin, eta bere trainerua atera du ondorengo denboraldietan. 2017 denboralditik aurrera, bi traineru donostiar izan dira uretan, Donostiarrak ere bere trainerua atera baitzuen urte horretan.

2018 denboraldirako berritasunak aurkeztu zituen. Diseinuzko elastikoa alde batetik eta traineru berria bestetik, Iriyarena izenekoa, crowdfunding bidez lorturiko diruarekin erositakoa[1].

Postuetan gorantz egin zuen Euskotren Ligan eta Ligako lehen estropada 2018an irabazi zuen: Ondarroako Bandera. 2019an Lekeitioko Bandera irabazi eta bigarrena izan zen ligan. Kontxan ere bigarren egin zuen. 2020an denboraldi apala osatu ondoren 2021ean indartsu ekin zion eta Gipuzkoako eta Euskadiko txapelketak irabazi ondoren aurreneko Liga eskuratu zuen. Oriorekin puntutan berdinduta amaitu arren garaipen kopuruak eman zion txapela. Ondoren Kontxako Banderako irabazlea izan zen, Donostiako traineru baten azken garaipenetik 71 urtetara. Jardunaldi bakarreko eta bi jardunaldietako errekorra ezarri zuten gainera.

2022an Orio eta Arraun Lagunaken arteko lehia estua espero zen baina oriotarrak erraz nagusitu zaizkio Ligan. Kontxako Banderarako sailkapen estropada ordea Arraunek irabazi zuen bigarren urtez jarraian. Lehenengo jardunaldian bi segundu atzetik izan ziren eta bigarren jardunaldian 14 ehuneneko atzetik. 2023an nagusitasun handiz irabazi ditu Liga eta Kontxako Bandera, eta aurrenekoz Zarauzko Ikurriña ere lortu du.

Kontxako Bandera
  • Txapelduna (2): 2021, 2023
  • Bigarrena (1): 2019, 2022
  • Hirugarrena (1): 2020
  • Laugarrena (2): 2017, 2018.
  • Sailkapen estropada (2): 2021, 2022.
  • Sailkatua (8): 2016, 2017, 2018, 2019, 2020, 2021, 2022, 2023.

Emakumezkoen Traineru Liga
  • Txapelduna (2): 2021, 2023.
  • Bigarrena (2): 2019, 2022.
  • Hirugarrena (2): 2018, 2020.
  • Laugarrena (1): 2017
  • Irabazitako estropadak (2022 barne): 10
  • Parte hartzeak (7): 2017, 2018, 2019, 2020, 2021, 2022, 2023
  • Gipuzkoako Liga (0): laugarren 2016 eta 2017an.

Txapelketak

Gainontzeko banderak
HandiakZarauzko Ikurrina (1): 2023.
Getxoko Bandera (1): 2021.
GipuzkoanBisiguaren Eguna (1): 2016.
Hondarribiko jaitsiera (1): 2020.
Oriako jaitsiera (2): 2021, 2024.
San Pedroko jaitsiera (3): 2021, 2022, 2023.
Donostiarra Bandera (1): 2021.
Hondarribiko Bandera (2): 2021, 2023.
Zorrotzaurre uharteari itzulia (1): 2024.
BizkaianPortugaleteko jaitsiera (1): 2018.
Bilba Memoriala (Deustu) (1): 2018.
Ondarroako Bandera (1): 2018.
Lekeitioko Bandera (2): 2019, 2023.
Bilboko Bandera (2): 2021, 2022.
Santurtziko Bandera (1): 2021.
Isuntzaren Bandera (1): 2022.
Bilboko Bandera (1): 2023.
GalizianCoruña Hiriko Bandera (1): 2023.
BesterikCaixabank Bandera (1): 2021.
Euskotren Bandera (1): 2023.

Denboraldiak
Urtea Kontxa Traineru Liga GipTx EusTx EspTx Trainerua Entrenatzaileak Patroia
2015-Gipuzkoako Liga: 7.6.--LugañenePatxi Olabe

Ekain Iriarte

 June Lakuntza
20166.Gipuzkoako Liga: 4.5.--LugañenePatxi Olabe

Ekain Iriarte

 Andrea Astudillo, Inge Ugarte
20174.Euskotren Liga: 4.5.4.-LugañenePatxi Olabe

Ekain Iriarte

 Andrea Astudillo
20184.Euskotren Liga: 3.desk.--Lugañene / IriyarenaPatxi Olabe

Ekain Iriarte

 Andrea Astudillo
20192.Euskotren Liga: 2.5.2.-Lugañene Patxi Olabe

Ekain Iriarte

 Andrea Astudillo
20203.Euskotren Liga: 3.3.3.-LugañenePatxi Olabe

Ekain Iriarte

 Andrea Astudillo
20211.Euskotren Liga: 1.1.1.-LugañeneJuan Mari Etxabe Andrea Astudillo
20222.Euskotren Liga: 2.3.1.-LugañeneJuan Mari Etxabe Andrea Astudillo
20231.Euskotren Liga: 1.3.3.-LugañeneJuan Mari Etxabe Andrea Astudillo

Tranerillak

Batelak

Arraunketa Olinpikoa


Erreferentziak
  1. «Lehiarako prest, goitik behera berrituta» irutxulo.hitza.eus (Noiz kontsultatua: 2018-06-24).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.