Arnasestu
Arnasestua, disnea edo itolarria arnas gaixotasunen sintomarik garrantzitsu eta tipikoena da, bihotzaren eta ORLren eremuko eritasun batzuetan ere agertzen den arren. Bestela, psikiatrian ere ikus daiteke arnasestua eri batzuengan.
| Arnasestu | |
|---|---|
.jpg.webp) | |
| Deskribapena | |
| Mota | abnormal breathing (en)  |
| Espezialitatea | pneumologia |
| Tratamendua | |
| Erabil daitezkeen botikak | Morfina |
| Identifikatzaileak | |
| GNS-10-MK | R06.0 |
| GNS-9-MK | 786.09 |
| GNS-10 | R06.0 |
| GNS-9 | 786.09 |
| DiseasesDB | 15892 |
| MedlinePlus | 003075 |
| eMedicine | 003075 |
| MeSH | D004417D004417 |
- Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Ohar medikoa
Gaixoek sentitutako sintoma hau haize falta edo itoaldia da, oxigenoaren gabeziaren ondorioz.
Beste sinonimo batzuk: arnasbehar, itobehar, itodura, hatsanka, itomen, itoaldi, hatsantura, hats-bahitura, alba, txurrun edo hatsantzea.
Lotutako gaixotasun ohikoak
Arnas gaixotasun akutuak
Arnas gaixotasun kronikoak
Bihotz-gaixotasunak
- Arritmiak.
- Bihotz-gutxiegitasuna.
- Kardiopatia iskemikoa.
- Miokardiopatiak.
- Sortzetiko kardiopatiak.
- Perikardioaren gaixotasunak.
Tratamendua
Oro har sintoma bronkogenikoa izanez gero, arnas aparatuan sortua alegia, bronkozabaltzaileak eta kortikoideak lehenengo aukerakoak dira. Kardiogenikoa baldin bada, ordea, diuretikoak izango dira eraginkorrenak. Kasu mistoetan bi arloetako sendagaiak erabili behar dira, eta edozein modutan arnas gutxiegitasuna egonez gero (pO2 <60 mmHg) oxigenoterapia gehitu.
ORLkoetan oztopo fisikoa izanez gero kendu, hantura sendatzeko kortikoideak eta kasu larrietan esku hartze kirurgiko azkarrak behar izaten dira, trakeotomia batzuetan.
Gaixotasun terminaletan, onkologikoak izan ala ez, opioideak mesedegarriak izan daitezke hainbat kasutan.
Jatorri psikikoa edukiz gero, antsiolitikoak eta bestelako terapiak aplikatu beharko ziren.
